anfasmash.blogspot.com

 *ഗേറ്റ് പഠിക്കാം സ്‌കോളര്‍ഷിപ്പോടെ; ശ്രമിക്കാം ജോലിക്കും, കേന്ദ്രസർക്കാരിന്റെ സ്കോളർഷിപ്പോടെ വിവിധ മേഖലകളിൽ ഉന്നത പഠനത്തിന് അവസരവും ഒട്ടേറെ പൊതുമേഖലാ സ്ഥാപനങ്ങളിൽ ജോലിയും ലഭിക്കുന്ന ഗ്രാജ്വേറ്റ് ആപ്റ്റിറ്റിയൂഡ് ടെസ്റ്റ് ഇൻ എൻജിനിയറിങ് (ഗേറ്റ്) 2022 പരീക്ഷയ്ക്ക് തയ്യാറെടുക്കാം.  ഖരഗ്പുർ ഐ.ഐ.ടി.യാണ് സംഘാടക സ്ഥാപനം. ഗേറ്റ് യോഗ്യത നേടുന്നവർക്ക് സാമ്പത്തിക സഹായത്തോടെ എൻജിനിയറിങ്/ടെക്നോളജി/ആർക്കിടെക്ചർ മേഖലകളിലെ മാസ്റ്റേഴ്സ്, ഡയറക്ട് ഡോക്ടറൽ പ്രോഗ്രാമുകൾ, ആർട്സ്/സയൻസ് മേഖലകളിലെ ഡോക്ടറൽ പ്രോഗ്രാമുകളിൽ പ്രവേശനം നേടാം. യോഗ്യത എൻജിനിയറിങ്, ആർക്കിടെക്ചർ, ഫാർമസി, മെഡിക്കൽ, സയൻസ്, ആർട്സ്, ഹ്യുമാനിറ്റീസ്, കൊമേഴ്സ് ബിരുദധാരികൾ, ഈ കോഴ്സുകളുടെ നിശ്ചിത വർഷത്തിൽ പഠിക്കുന്നവർ എന്നിവർക്ക് അപേക്ഷിക്കാം. ചില പ്രൊഫഷണൽ സമിതികളുടെ യോഗ്യതയുള്ളവർക്കും അപേക്ഷിക്കാം. പ്രായപരിധിയില്ല. വിഷയങ്ങൾ 29 വിഷയങ്ങളിലാണ് ഗേറ്റ് നടത്തുന്നത്. ജിയോമാറ്റിക്സ് എൻജിനിയറിങ്, നേവൽ ആർക്കിടെക്ചർ ആൻഡ് മറൈൻ എൻജിനിയറിങ് എന്നിവ പുതിയ വിഷയങ്ങളാണ്. മറ്റു വിഷയങ്ങൾ: * ഏറോസ്പേസ് എൻജിനിയറിങ് * അഗ്രിക്കൾച്ചറൽ എൻജിനിയറിങ് * ആർക്കിടെക്ചർ ആൻഡ് പ്

നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജിയുടെ (നിഫ്റ്റ്) വിവിധ കാമ്പസുകളിൽ ബാച്ചിലർ ഓഫ് ഡിസൈൻ (ബി.ഡിസ്) -ലെ വിവിധ സ്പെഷ്യലൈസേഷനുകളിലായി കൈത്തൊഴിലുകാർക്കും അവരുടെ മക്കൾക്കും നീക്കിവെച്ചിട്ടുള്ള 25 സീറ്റുകളിലേക്ക് അപേക്ഷിക്കാം.  കണ്ണൂരിൽ രണ്ട് സീറ്റുണ്ട്. പ്രായം: ഓഗസ്റ്റ് ഒന്നിന് 24 വയസ്സ്‌ കവിയരുത്.  പട്ടിക/ഭിന്നശേഷിക്കാർക്ക് ഉയർന്ന പ്രായപരിധിയിൽ അഞ്ച് വർഷത്തെ ഇളവുണ്ട്.  പ്ലസ് ടു/തത്തുല്യ പരീക്ഷയോ, 3/4 വർഷ ഡിപ്ലോമയോ ജയിച്ചിരിക്കണം.  സ്വന്തം പേരിലോ അച്ഛന്റെയോ അമ്മയുടെയോ പേരിലോ കേന്ദ്ര ടെക്‌സ്റ്റൈൽസ് മന്ത്രാലയം ഹാൻഡിക്രാഫ്റ്റ്/ഹാൻഡ് ലൂംസ് െഡവലപ്‌മെന്റ്‌ കമ്മിഷണർ അല്ലെങ്കിൽ സംസ്ഥാന സർക്കാർ അനുവദിച്ചുനൽകിയ ആർട്ടിസാൻ ഫോട്ടോ ഐ.ഡി. കാർഡ് വേണം.  ന്യൂഡൽഹി നിഫ്‌റ്റ്‌ കാമ്പസിൽ നടത്തുന്ന സ്റ്റുഡിയോ ടെസ്റ്റ്, ഇൻറർവ്യൂ എന്നിവ അടിസ്ഥാനമാക്കിയാകും തിരഞ്ഞെടുപ്പ്. പൂരിപ്പിച്ച അപേക്ഷയും രേഖകളും തപാൽ വഴി ന്യൂഡൽഹി നിഫ്‌റ്റ്‌ കേന്ദ്ര ഓഫീസിൽ സെപ്‌റ്റംബർ മൂന്നിനകം ലഭിക്കണം. വിവരങ്ങൾക്ക്: nift.ac.in/artisan

 ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ചിന്റെ (IISER) വിവിധ കേന്ദ്രങ്ങളിൽ ബിരുദതല പ്രവേശനത്തിന് ഇപ്പോൾ അപേക്ഷിക്കാം.  തിരുവനന്തപുരം, തിരുപ്പതി, പുനെ, ബർഹാംപുർ, ഭോപാൽ, കൊൽക്കത്ത, മൊഹാലി ക്യാമ്പസുകളിലാണ് പ്രവേശനം.  പ്രവേശനപരീക്ഷ സെപ്റ്റംബർ 17ന് നടക്കും. കേരളത്തിൽ എല്ലാ ജില്ലകളിലും പരീക്ഷാകേന്ദ്രമുണ്ട്.  ഓരോ കേന്ദ്രത്തിലെയും വിഷയങ്ങൾ http://iiseradmission.in ൽ ലഭ്യമാണ്.  അപേക്ഷകർ പ്ലസ്ടു പരീക്ഷ സയൻസ് സ്ട്രീമിൽ 60 ശതമാനം മാർക്കോടെ പാസായിരിക്കണം. അല്ലെങ്കിൽ തത്തുല്യ യോഗ്യത വേണം. (പട്ടിക/ഭിന്നശേഷിക്കാർക്ക് 55 ശതമാനം).  ബി.എസ്.എം.എസ്. പ്രവേശനത്തിന് പ്ലസ്ടു തലത്തിൽ മാത്തമാറ്റിക്‌സോ ബയോളജിയോ പഠിച്ചിരിക്കണം.  നാലുവർഷ ബി.എസ്. (ഇക്കണോമിക് സയൻസസ്, എൻജിനിയറിങ് സയൻസസ്) പ്രവേശനത്തിന് പ്ലസ്ടു തലത്തിൽ മാത്തമാറ്റിക്‌സ് പഠിച്ചിരിക്കണമെന്നും നിർബന്ധമാണ്. പ്രവേശനം 2021’22ൽ സജീവമാകുന്ന കിഷോർ വൈജ്ഞ്യാനിക് പ്രോത്സാഹൻ യോജന (കെ.വി.പി.വൈ.) ഫെലോഷിപ്പിന് അർഹതയുള്ളവർക്ക് കെ.വി.പി.വൈ. ചാനലിൽ അപേക്ഷിക്കാം.  2021 ജെ.ഇ.ഇ. അഡ്വാൻസ്ഡ് കോമൺ റാങ്ക് പട്ടികയിലോ കാറ്റഗറി പട്ടികയിലോ 15000നകം റാങ്കുള്ളവർക്ക് ജെ.ഇ.

ഫാർമസി മേഖലയിൽ കരിയർ കണ്ടെത്താനാഗ്രഹിക്കുന്നവർക്കുള്ള തീര്‍ത്തും വ്യത്യസ്ത തലങ്ങളിലുള്ള രണ്ടു കോഴ്‌സുകളാണ് DPhrmഉം ഫാംഡിയും. എ) ഡിഫാം:  ഇത് ഫാര്‍മസിയിലെ ഡിപ്ലോമ കോഴ്‌സാണ്. രണ്ടു വര്‍ഷവും മൂന്നു മാസവും ആണ് കോഴ്‌സ് ദൈര്‍ഘ്യം. ഫിസിക്‌സ്, കെമിസ്ട്രി എന്നിവയ്ക്കു പുറമേ ബയോളജി /മാത്ത്‌സ് /ബയോടെക് /കമ്പ്യൂട്ടര്‍ സയന്‍സ് ഇവയിലെതെങ്കിലുമൊന്ന് പഠിച്ച് പ്ലസ്ടൂ ജയിച്ചവര്‍ക്ക് പ്രവേശനത്തിന് അര്‍ഹതയുണ്ട്. ബി) ഫാംഡി (Doctor of Pharmacy):  പ്ലസ്ടൂ കഴിഞ്ഞ് നാലു വര്‍ഷംകൊണ്ടു ബിഫാമും തുടര്‍ന്നു രണ്ടു വര്‍ഷംകൊണ്ടു എംഫാമും നേടുന്ന പരമ്പരാഗതരീതി നില നിര്‍ത്തിക്കൊണ്ടു തന്നെയാണ് ഫാംഡിക്കു തുടക്കം കുറിക്കപ്പെട്ടത്. രാഷ്ട്രാന്തര തലത്തിലുള്‍പ്പെടെ എംഫാമിനെക്കാള്‍ ആഴത്തിലുള്ള പഠനപരിശീലനവും ഗവേഷണാത്മക സമീപനവും കൈവരിക്കാന്‍ ഫാംഡിക്കു കഴിയുമെന്നതാണ് ഇതിന്റെ തത്വം. ക്ലിനിക്കൽ ഫാർമസിസ്റ്റാവാനുള്ള യോഗ്യതയാണിത്. ഫിസിക്‌സ്, കെമിസ്ട്രി എന്നിവയ്ക്കു പുറമേ ബയോളജിയോ അല്ലെങ്കിൽ മാത്സോ കൂടെ പ്ലസ്ടൂവിനു പഠിച്ചവര്‍ക്ക് ആറു വര്‍ഷംകൊണ്ട് ഫാംഡി നേടാം   അഞ്ചു വര്‍ഷത്തെ പഠനവും ഒരു വര്‍ഷത്തെ ഇന്റേണ്‍ഷിപ്പും.  ഇതിനു പുറമേ, ബിഫാംകാര്‍ക്

കലാമണ്ഡലത്തിൽ ഹയർ സെക്കൻഡറി കോഴ്‌സുകളിലേക്ക് സെപ്റ്റംബർ 3 വരെ തപാലിൽ അപേക്ഷ സ്വീകരിക്കും.  കോഴ്‌സുകൾ ഇവയാണ് എ) ആൺകുട്ടികൾ: കഥകളിവേഷം (വടക്കൻ /തെക്കൻ), കഥകളിസംഗീതം, ചെണ്ട, മദ്ദളം, ചുട്ടി, മിഴാവ്, തിമില, പഞ്ചവാദ്യം, മൃദംഗം, കൂടിയാട്ടം (പുരുഷവേഷം) ബി) പെൺകുട്ടികൾ: മോഹിനിയാട്ടം, കൂടിയാട്ടം (സ്ത്രീവേഷം) സി) ആൺകുട്ടികൾക്കും പെൺകുട്ടികൾക്കും: തുള്ളൽ, കർണാടക സംഗീതം 10-ാം ക്ലാസ് ജയിച്ച് 2021 ജൂൺ ഒന്നിന് 20 വയസ്സ് കഴിയാത്തവർക്ക് അപേക്ഷിക്കാം;  പട്ടികവിഭാഗമെങ്കിൽ 22 വയസ്സ്.  നിർദിഷ്ടരീതിയിൽ 200 രൂപയടച്ച് ബാങ്ക് രസീതു സഹിതം വേണം അപേക്ഷ; പട്ടികവിഭാഗമെങ്കിൽ 80 രൂപ.  ആർട്ട് ഹൈസ്‌കൂൾ സർട്ടിഫിക്കറ്റുകാർക്ക് മുൻഗണനയുണ്ട്. ചുരുങ്ങിയ ഫീസ് നൽകിയാൽ മതി.  കൂടുതൽ വിവരങ്ങൾക്ക്  www.kalamandalam.ac.in.  ഫോൺ: 04884 262418

 *നവംബറിലെ പിഎസ്‌സി പരീക്ഷ കലണ്ടർ പ്രസിദ്ധീകരിച്ചു; കൺഫർമേഷൻ സെപ്റ്റംബർ 11 വരെ  മെഡിക്കൽ വിദ്യാഭ്യാസ വകുപ്പിൽ ജൂനിയർ പബ്ലിക് ഹെൽത്ത് നഴ്‌സ് ഗ്രേഡ്-2, ജൂനിയർ ഹെൽത്ത് ഇൻസ്‌പെക്ടർ ഗ്രേഡ്-2, പഞ്ചായത്ത് വകുപ്പിൽ ഹെൽത്ത് ഇൻസ്‌പെക്ടർ ഗ്രേഡ്-2, കെടിഡിസിയിൽ അക്കൗണ്ടന്റ്/കാഷ്യർ, മിനറൽസ് ആൻഡ് മെറ്റൽസ് ലിമിറ്റഡിൽ ജൂനിയർ ഓഡിറ്റ് അസിസ്റ്റന്റ്, എപ്പക്‌സ് കോ-ഓപ്പറേറ്റീവ് സൊസൈറ്റികളിൽ അക്കൗണ്ടന്റ്, എൽഡി ക്ലാർക്ക്, ഹോമിയോപ്പതിക് മെഡിക്കൽ കോളജുകളിൽ സ്റ്റാഫ് നഴ്‌സ് ഗ്രേഡ്-2, ബാംബൂ കോർപറേഷനിൽ ജൂനിയർ അക്കൗണ്ടന്റ് ഗ്രേഡ്-2, ഇക്കണോമിക്‌സ് ആൻഡ് സ്റ്റാറ്റിസ്റ്റിക്‌സിൽ റിസർച്ച് ഓഫിസർ, ലാൻഡ് യൂസ് ബോർഡിൽ പ്ലാനിങ് സർവെയർ ഗ്രേഡ്-2, തദ്ദേശസ്വയംഭരണ വകുപ്പിൽ ഓവർസിയർ ഗ്രേഡ്-3/ഡ്രാഫ്ട്‌സ്മാൻ ഗ്രേഡ്-3, കെടിഡിസിയിൽ ഇലക്ട്രീഷ്യൻ തുടങ്ങി 63 പരീക്ഷകളാണ് നവംബറിലെ പരീക്ഷാ കലണ്ടറിൽ ഉൾപ്പെടുത്തിയിരിക്കുന്നത്.  സെപ്റ്റംബർ 11 വരെ കൺഫർമേഷൻ നൽകാം. കൺഫർമേഷൻ നൽകാത്തവർക്ക് പരീക്ഷ എഴുതാൻ കഴിയില്ല.

 സംസ്ഥാന ടൂറിസം വകുപ്പിന് കീഴിൽ പുതുതായി ആരംഭിക്കുന്ന കേരള ഇൻസ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്മെന്റ് ബി.എസ്.സി ഹോട്ടൽ മാനേജ്മെന്റ് ആൻഡ് കാറ്ററിങ് സയൻസ് ബിരുദ പ്രവേശനത്തിന് അപേക്ഷ ക്ഷണിച്ചു.  കണ്ണൂർ യൂണിവേഴ്സിറ്റിയുടെ ബിരുദ പ്രവേശനത്തിനുള്ള ഏകജാലക സംവിധാനം മുഖേനയാണ് അപേക്ഷിക്കേണ്ടത്.  രജിസ്ട്രേഷൻ സംബന്ധിച്ച വിവരങ്ങൾ  www.admission.kannuruniversity.ac.in  ൽ ലഭിക്കും.  ആദ്യമായാണ് കണ്ണൂർ യൂണിവേഴ്സിറ്റിയിൽ ഹോട്ടൽ മാനേജ്മെന്റ് വിഷയത്തിൽ ബിരുദപ്രവേശനം നടക്കുന്നത്.  അൺ എയ്ഡഡ് സ്ഥാപനം ആയതിനാൽ മാനേജ്മെന്റ് ക്വാട്ട സീറ്റുകളിലേക്ക് പ്രവേശനം ആഗ്രഹിക്കുന്നവരും ഏകജാലക സംവിധാനം വഴി അപേക്ഷ സമർപ്പിക്കണം.  മാനേജ്മെന്റ് ക്വാട്ട സീറ്റുകളിലെ പ്രവേശനം ആഗ്രഹിക്കുന്നവർ ഓൺലൈൻ അപേക്ഷയുടെ പ്രിന്റ് ഔട്ടും അനുബന്ധ രേഖകളും സഹിതം തലശ്ശേരി എരഞ്ഞോളിയിലെ കിൻഫ്ര സ്റ്റാൻഡേർഡ് ഡിസൈൻ ഫാക്ടറി ബിൽഡിങ്ങിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫീസുമായി ബന്ധപ്പെടണം.  ആറു സെമസ്റ്ററുകളുള്ള ബി.എസ്.സി ഹോട്ടൽ മാനേജ്മെന്റ് ആൻഡ് കാറ്ററിങ് സയൻസ് ബിരുദ പഠനത്തിനുള്ള സെമസ്റ്റർ ഫീസ് 40,000 രൂപയാണ്.  ഫോൺ: 0490 2353600, 9400508499.

 വലിയ വ്യവസായശാലകൾ മുതൽ ചെറുകിട കമ്പനികളിൽവരെ തൊഴിലെടുക്കുന്നവരിൽ ബഹുഭൂരിപക്ഷവും ഏതെങ്കിലും തൊഴിലിൽ മികച്ച വൈദഗ്ദ്യം ഉള്ളവരായിരിക്കും. തൊഴിൽ നിപുണത ഇല്ലാത്തവർക്ക് ഈ മേഖലയിൽ പ്രവേശിക്കാൻ കഴിയില്ല.  ഐടിഐ കളിൽനിന്ന് ലഭിക്കുന്ന പരിശീലനവും തുടർന്ന് ലഭിക്കുന്ന അപ്രന്റിസ്ഷിപ്പും വ്യക്തികളെ അതത് മേഖലകളിൽ പ്രാവീണ്യരാക്കും. തൊഴിൽ അറിയുന്നവരുടെ അവശ്യകതയും നിരവധി.  സർക്കാർ മേഖലയിലും സ്വകാര്യ മേഖലയിലും നിരവധി അവസരങ്ങളാണ് ഐടിഐ ക്കാർക്കുള്ളത്. സ്വന്തംനിലയിൽ തൊഴിൽചെയ്യാനും വരുമാനമുണ്ടാക്കാനും കഴിയും.  എൻസിവിടി അംഗീകാരമുള്ള കോഴ്സുകൾ ജയിക്കുന്നവർക്ക് ഇന്ത്യൻ റെയിൽവേ, ഐഎസ്ആർഒ മറ്റ് കേന്ദ്ര സംസ്ഥാന പൊതുമേഖലാസ്ഥാപനങ്ങളിൽ മികച്ച തൊഴിലവസരമാണ്.  കോഴ്സിന് ശേഷമുള്ള അപ്രന്റിസ് പൂർത്തിയാക്കിയവർ എൻഎസി പരീക്ഷ ജയിച്ചാൽ പരിശീലന കാലയളവ് തൊഴിൽപരിചയമായി കണക്കാക്കും . ഐടിഐ യോഗ്യതയുള്ളവർക്ക് പോളിടെക്നിക്് പ്രവേശനത്തിന്‌  അഞ്ച് ശതമാനം സീറ്റ് സംവരണം ചെയ്തിട്ടുണ്ട് .  ഡിപ്ലോമ രണ്ടാം വർഷത്തിലേക്ക് ലാറ്ററൽ എൻട്രി വഴി ഐടിഐ ക്കാർക്ക് നേരിട്ട് പ്രവേശിക്കാം. ഐടിഐ കളുടെ ഭരണനിർവഹണം സംസ്ഥാന സർക്കാരിന്റെ ചുമതലയാണ്.  എന്നാൽ പരിശീലനം, ന

 സർക്കാർ ഐ ടി ഐ.കളിലെ പ്രവേശനത്തിന് അപേക്ഷ 26/08/2021 മുതൽ ജാലകം പോർട്ടൽ മുഖേന സമർപ്പിക്കാം. വീട്ടിലിരുന്നു തന്നെ മൊബൈൽ ഫോണോ കമ്പ്യൂട്ടറോ ഉപയോഗിച്ചും, അക്ഷയകേന്ദ്രങ്ങൾ മുഖാന്തിരവും അപേക്ഷ സമർപ്പിക്കാം. അപേക്ഷ സമർപ്പിക്കേണ്ട അവസാനതിയതി: 2021 സെപ്റ്റംബർ 14. അപേക്ഷ ഫീസ് : 100 രൂപ. ഓൺലൈനായി 100 രൂപ ഫീസ് അടച്ച് ഒറ്റ അപേക്ഷയിൽ സംസ്ഥാനത്തെ ഏത് ഐ.ടി.ഐ. യിലേക്കും പ്രവേശനത്തിന് അപേക്ഷിക്കാവുന്നതാണ്. https://itiadmissions.kerala.gov.in എന്ന 'ജാലകം' പോർട്ടൽ മുഖേന ഓൺലൈനായാണ് അപേക്ഷ സമർപ്പിക്കേണ്ടത്. പ്രോസ്പെക്ടസും, അപേക്ഷകൾ സമർപ്പിക്കുന്നതിനുള്ള മാർഗ്ഗനിർദേശങ്ങളും https://det.kerala.gov.in എന്ന വകുപ്പ് വെബ്സൈറ്റിലും https://itiadmissions.kerala.gov.in എന്ന അഡ്മിഷൻ പോർട്ടലിലും ലഭ്യമാകും. അപേക്ഷ സംബന്ധിച്ച വിവരങ്ങൾ യഥാസമയം മൊബൈൽ നമ്പറിൽ എസ്എംഎസ് മുഖേന ലഭ്യമാകും. അപേക്ഷാ സമർപ്പിച്ചു കഴിഞ്ഞാലും അപേക്ഷകന് ലഭിക്കുന്ന യൂസർ ഐഡിയും പാസ്‌വേഡും ഉപയോഗിച്ച് അപേക്ഷ സ്വീകരിക്കുന്ന അവസാന തീയതി വരെ സമർപ്പിച്ച അപേക്ഷയിൽ മാറ്റങ്ങൾ വരുത്താവുന്നതാണ്.  സംസ്ഥാനത്തെ 104 സർക്കാർ ഐ.ടി.ഐ. കളിലായി SSLC പരീക്ഷ വിജയിച്ച

സ്‌പോർട്‌സ് അതോറിറ്റി ഓഫ് ഇന്ത്യയുടെ തിരുവനന്തപുരത്തുള്ള ലക്ഷ്മിഭായ് നാഷണൽ കോളേജ് ഓഫ് ഫിസിക്കൽ എഡ്യുക്കേഷനിലെ ഒഴിവുകളിലേക്ക് അപേക്ഷിക്കാം. ആകെ 15 ഒഴിവുകളാണ് റിപ്പോർട്ട് ചെയ്തിട്ടുള്ളത്. കരാർ നിയമനമായിരിക്കും. തിരുവനന്തപുരം, ആലപ്പുഴ സെന്ററുകളിലാണ് നിയമനം.  ജൂനിയർ കൺസൽട്ടന്റ് (പെർഫോമൻസ് മോണിറ്ററിങ്) 2,  ജൂനിയർ കൺസൽട്ടന്റ് (ഇൻഫ്ര) 2,  യങ് പ്രൊഫഷണൽ (എആർഎം) 8,  യങ് പ്രൊഫഷണൽ (പ്രോജക്ട് ആൻഡ് അഡ്മിനിസ്‌ട്രേഷൻ) 2, യങ് പ്രൊഫഷണൽ (ലീഗൽ) 1 എന്നിങ്ങനെയാണ് ഒഴിവ്. എംബിഎ, പിജിഡിഎം, ബിടെക് എന്നീ യോഗ്യതകളുള്ളവർക്ക് വിവിധ തസ്തികകളിലേക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 31. വിശദവിവരത്തിനും അപേക്ഷിക്കാനും സ്‌പോർട്‌സ് അതോറിറ്റി ഓഫ് ഇന്ത്യയുടെ ഔദ്യോഗിക വെബ്‌സൈറ്റായ www.sportsauthorityofindia.nic.in സന്ദർശിക്കുക.

 കേരള സ്റ്റേറ്റ് ലൈബ്രറി കൗൺസിൽ 26-ാം ബാച്ച് സർട്ടിഫിക്കറ്റ് കോഴ്‌സ് ഇൻ ലൈബ്രറി ആന്റ് ഇൻഫർമേഷൻ സയൻസിന് അപേക്ഷ ക്ഷണിച്ചു. ആറുമാസ ദൈർഘ്യമുള്ള കോഴ്‌സ് കാസർഗോഡ് പുലിക്കുന്ന് ഇൻസ്റ്റിറ്റ്യൂട്ട് ഓഫ് ലൈബ്രറി ആന്റ് ഇൻഫർമേഷൻ സയൻസിലാണ് നടത്തുന്നത്. എസ്.എസ്.എൽ.സിയാണ് യോഗ്യത. പ്രായപരിധി 18-40. സ്റ്റേറ്റ് ലൈബ്രറി കൗൺസിലിൽ അഫിലിയേറ്റ് ചെയ്ത ലൈബ്രറികളിൽ കഴിഞ്ഞ ആറ് മാസം തുടർച്ചയായി ലൈബ്രേറിയനായി പ്രവർത്തിച്ചുവരുന്നവരും ഇപ്പോഴും തുടർന്നുവരുന്നവരുമായ ലൈബ്രേറിയൻമാർക്കും, കൗൺസിലിന്റെ സാമ്പത്തിക സഹായത്തോടെ പ്രവർത്തിക്കുന്ന ഗ്രാമീണ വനിതാ വയോജന പുസ്തക വിതരണ പദ്ധതി ലൈബ്രേറിയൻമാർക്കും അപേക്ഷിക്കാം. ഇവർക്ക് പ്രവേശന പരീക്ഷയിൽ നേടുന്ന മാർക്കിന്റെ 10 ശതമാനം വെയിറ്റേജ് ലഭിക്കും. സർക്കാർ/അർധസർക്കാർ സ്ഥാപനങ്ങളിൽ ജോലിചെയ്യുന്ന ലൈബ്രേറിയൻമാർക്ക് സീറ്റ് സംവരണവും പ്രായപരിധിയിൽ ഇളവുമുണ്ട് (45 വയസ്). പ്രവേശന പരീക്ഷയുടെ അടിസ്ഥാനത്തിൽ ആയിരിക്കും അഡ്മിഷൻ. ആകെ 40 സീറ്റ്. അപേക്ഷാഫോമും പ്രോസ്‌പെക്റ്റസും www.kslc.in ൽ ലഭിക്കും. അപേക്ഷയോടൊപ്പം സെക്രട്ടറി, ജില്ലാ ലൈബ്രറി കൗൺസിൽ, കാസർഗോഡ് എന്ന പേരിൽ സ്റ്റേറ്റ് ബാങ്ക് ഓഫ് ഇന്ത്യ, ഹോ

പൊതുവായും സൈനികാവശ്യങ്ങൾക്കും ഉപയോഗിക്കുന്ന കപ്പൽ, ബോട്ട്, മുങ്ങിക്കപ്പൽ മറ്റ് മറൈൻ വാഹനങ്ങൾ എന്നിവയുടെ രൂപകല്പന, നിർമാണം, നവീകരണം തുടങ്ങിയവ പഠിപ്പിക്കുന്ന എൻജിനീയറിങ് ശാഖയാണ് നേവൽ ആർക്കിടെക്ചർ ആൻഡ് ഷിപ്പ് ബിൽഡിങ്. *എവിടെ പഠിക്കാം* കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി (കുസാറ്റ്) നേവൽ ആർക്കിടെക്ചർ ആൻഡ് ഷിപ്പ് ബിൽഡിങ്ങിൽ ബി.ടെക്. കോഴ്സ് നടത്തുന്നുണ്ട്. CUSAT CAT പ്രവേശനപ്പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് പ്രവേശനം.  പ്ലസ്ടു, തത്തുല്യ പരീക്ഷയിൽ കെമിസ്ട്രി, ഫിസിക്സ്, മാത്തമാറ്റിക്സ് എന്നീ വിഷയങ്ങളിൽ മൊത്തം 60 ശതമാനത്തിൽ കൂടുതൽ മാർക്ക് നേടിയവർക്ക് അപേക്ഷിക്കാം. മാത്തമാറ്റിക്സിന് 50 ശതമാനത്തിൽ കൂടുതൽ മാർക്കുണ്ടാകണം.  വിദ്യാർഥികൾക്ക് ഇന്ത്യയിലും പുറത്തുമുള്ള പ്രധാന ഷിപ് യാർഡുകളിൽ ഇന്റേൺഷിപ്പിന് അവസരമുണ്ട്. (www.cusat.ac.in) ഇന്ത്യൻ മാരിടൈം യൂണിവേഴ്സിറ്റി (ഐ.എം.യു.) ചെന്നൈ, നേവൽ ആർക്കിടെക്ചർ ആൻഡ് ഓഷ്യൻ എൻജിനീയറിങ്ങിൽ ബി.ടെക്. കോഴ്സ് നടത്തുന്നു. വിശാഖപട്ടണത്തെ നാഷണൽ ഷിപ്പ് ഡിസൈൻ ആൻഡ് റിസർച്ച് സെന്റർ കാമ്പസാണ് പഠനകേന്ദ്രം. (www.imu.edu.in) ഐ.ഐ.ടി. മദ്രാസ്, ഐ.ഐ.ടി. ഖരഗ്പുർ എന്

കേരള കാര്‍ഷിക സര്‍വകലാശാല ഓര്‍ഗാനിക് അഗ്രികള്‍ച്ചര്‍, അഗ്രികള്‍ച്ചറല്‍ സയന്‍സസ് എന്നീ രണ്ട് ദ്വിവത്സര ഡിപ്ലോമ കോഴ്സുകളിലേക്ക് അപേക്ഷകള്‍ ക്ഷണിച്ചു.  1000 രൂപയാണ് അപേക്ഷ ഫീസ്.  എസ്.സി, എസ്.ടി അപേക്ഷാര്‍ത്ഥികള്‍ക്ക് 500 രൂപ.  ഫിസിക്സ്,കെമിസ്ട്രി, ബയോളജി പ്രധാന വിഷയമായി പഠിച്ച് പ്ലസ്ടു മിനിമം 50 ശതമാനം മാര്‍ക്കോടെ പാസാവണം.  ആഗസ്റ്റ് 26 വരെ ഓണ്‍ലൈനായി അപേക്ഷകള്‍ സമര്‍പ്പിക്കാം.  വിശദവിവരങ്ങള്‍ക്ക് www.admissions.kau.in എന്ന വെബ്സൈറ്റ് സന്ദര്‍ശിക്കാം.

അപേക്ഷ സ്വീകരിക്കുന്ന അവസാന തീയതി: സെപ്റ്റംബർ എട്ട്.  വിവരങ്ങൾക്ക് പിഎസ്‌സി വെബ്‌സൈറ്റ് സന്ദർശിക്കുക. ജനറൽ റിക്രൂട്ട്മെന്റ് (സംസ്ഥാനതലം)- ഇൻസ്പെക്ടർ ഓഫ് ഫാക്ടറീസ് ആൻഡ് ബോയിലേഴ്സ് ഗ്രേഡ് III-ഫാക്ടറീസ് ആൻഡ് ബോയിലേഴ്സ്  * ഡ്രാഫ്റ്റ്മാൻ ഗ്രേഡ് I കേരള തുറമുഖ വകുപ്പ്  * ഡ്രാഫ്റ്റ്സ്മാൻ ഗ്രേഡ് II/ഓവർസിയർ ഗ്രേഡ് II (ഇലക്്ട്രിക്കൽ)ഹാർബർ ആൻഡ് എൻജിനിയറിങ് വകുപ്പ്  * ഫിഷറീസ് അസിസ്റ്റന്റ്ഫിഷറീസ് വകുപ്പ്  * പോലീസ് കോൺസ്റ്റബിൽ (ടെലികമ്യുണിക്കേഷൻ)പോലീസ്  * ബോട്ട് ലാസ്‌കർ സംസ്ഥാന ജലഗതാഗത വകുപ്പ്  * ടെക്നീഷ്യൻ ഗ്രേഡ് കകകേരള സ്റ്റേറ്റ് ബാംബൂ കോർപ്പറേഷൻ ലിമിറ്റഡ്. ജനറൽ റിക്രൂട്ട്മെന്റ് (ജില്ലാതലം)- ആയുർവേദ തെറാപ്പിസ്റ്റ് ഭാരതീയ ചികിത്സാ വകുപ്പ്  * എൽ.ഡി. ടൈപ്പിസ്റ്റ്/ക്ലാർക്ക് ടൈപ്പിസ്റ്റ് (വിമുക്തഭടർക്ക് മാത്രം)എൻ.സി.സി./സൈനികക്ഷേമം  *ഇലക്്ട്രീഷ്യൻമൃഗസംരക്ഷണം  * ഹോസ്പിറ്റാലിറ്റി അസിസ്റ്റന്റ്വിനോദസഞ്ചാരം  *ലൈൻമാൻപൊതുമരാമത്ത്  * ബൈൻഡർ ഗ്രേഡ് IIവിവിധം  * സെക്യുരിറ്റി ഗാർഡ്ആരോഗ്യവകുപ്പ്  * ലൈൻമാൻ ഗ്രേഡ് Iറവന്യൂ. അസിസ്റ്റന്റ് ഗ്രേഡ് II- കേരള സംസ്ഥാന ബിവറേജസ് (മാനുഫാക്ചറിങ് ആൻഡ് മാർക്കറ്റിങ്) കോർപ്പറേഷൻ ലിമിറ്

സിവിൽ സർവ്വീസുകൾ ലക്ഷ്യമിടുന്നവർക്ക് പബ്ലിക് പോളിസിയിൽ ബിരുദ പഠനമാണുചിതം._ പൊതുകാര്യ നിര്‍വ്വഹണവും, പൊതു ഭരണനയങ്ങളുമെല്ലാം വളരെ പ്രസക്തമായി ചര്‍ച്ച ചെയ്യപ്പെടേണ്ടതുമായ ജനാധിപത്യ രാജ്യങ്ങളിൽ ബിഎ പബ്ലിക് പോളിസി, ബി.എ. പബ്ലിക് പോളിസി ആന്‍ഡ് അഡ്മിനിസ്‌ട്രേഷന്‍ എന്നീ കോഴ്സുകളുടെ പഠനത്തിന്റെ പ്രസക്തി വളരെ വലുതാണ്.  പൊതു ഭരണ നിര്‍വ്വഹണവും നയങ്ങളുടെ ഇംപ്ളിമെൻ്റേഷനും വളരെ വിശദമായി തന്നെ ഈ ബിരുദ കോഴ്‌സുകളിൽ പരിശീലിപ്പിക്കുന്നുണ്ട്. സമത്വം, സുരക്ഷ, നീതി, ക്രമം, സാമ്പത്തികം, പൊതു ധനകാര്യം, ഗവേഷണ രീതികള്‍, പൊതുനയം, നേതൃത്വം, തന്ത്രം തുടങ്ങിയ ജനാധിപത്യ മൂല്യങ്ങളെ കുറിച്ചുള്ള വിശദമായ അറിവ് ഈ കോഴ്‌സുകളിലൂടെ വിദ്യാര്‍ത്ഥികള്‍ക്ക് ലഭ്യമാവുന്നു. പൊതു ക്ഷേമത്തിനായി സര്‍ക്കാര്‍ അവതരിപ്പിച്ച വിവിധ നയങ്ങള്‍ നടപ്പിലാക്കുന്നതിനും വിശകലനം ചെയ്യുന്നതിനും വിദ്യാര്‍ത്ഥികളെ പ്രാപ്തരാക്കുന്നതിനായുള്ള നൂതന പഠനമായിട്ടാണ് ഇത്തരം കോഴ്‌സുകളുള്ളത്. പൊതു ധനകാര്യം, സാമ്പത്തിക ശാസ്ത്രം, ഗവേഷണ സ്ഥിതി വിവര കണക്കുകള്‍, നയ വിശകലനം, നൈതികത, പൊതു മാനേജ്‌മെന്റ് തുടങ്ങിയവ പ്രധാന വിഷയങ്ങളായി ഈ കോഴ്‌സുകളില്‍ പഠിപ്പിക്കുന്നുണ്ട്. വ്യക്

*ഹയർ സെക്കൻഡറി ഒന്നാം വർഷ(പ്ലസ് വൺ) പ്രവേശനത്തിനായുള്ള ഏകജാലക അപേക്ഷ 2021 ഓഗസ്റ്റ് 24 മുതൽ ഓൺലൈനായി നൽകാം. പ്രോസ്പെക്ട്സ്, ഷെഡ്യൂൾ എന്നിവ പ്രസിദ്ധീകരിച്ചു.  *പ്രോസ്പെക്ട്സ് ലഭിക്കുന്നതിന്  https://www.hscap.kerala.gov.in/prospectus2021.php  ക്ലിക്ക് ചെയ്യുക. ⭕അപേക്ഷ സമർപ്പണം ഓഗസ്റ്റ് 24 മുതൽ  ⭕ അപേക്ഷ നൽകാനുള്ള അവസാന തിയതി: സെപ്റ്റംബർ 3 ⭕ ട്രയൽ അലോട്ട്മെന്റ്: സെപ്റ്റംബർ 7 ⭕ ആദ്യ അലോട്ട്മെന്റ് സെപ്റ്റംബർ 13 ➤ ഏകജാലകത്തിൽ അപേക്ഷ നൽകേണ്ടത് മൂന്ന് ഘട്ടങ്ങളായാണ്. ആദ്യഘട്ടത്തിൽ നൽകുന്ന വിവരങ്ങൾ പിന്നീട് മാറ്റാൻ സാധിക്കുകയില്ല (രജിസ്റ്റർ നമ്പർ, മൊബൈൽ നമ്പർ തുടങ്ങിയവ) വളരെ ശ്രദ്ധാപൂർവം ആദ്യഘട്ടം പൂർത്തിയാക്കണം ➤ രണ്ടാം ഘട്ടത്തിൽ OTP മൊബൈൽ നമ്പറിലേക്ക് വന്നാൽ മാത്രമെ candidate login പൂർത്തിയാക്കാൻ സാധിക്കു ആയതു കൊണ്ട് എൻ്റർ ചെയ്യുന്ന മൈാബൈൽ നമ്പർ ഉള്ള ഫോൺ കൈവശമുണ്ടായിരിക്കണം. ➤ എല്ലവരും ഒരു പാസ് വേഡ് തയാറാക്കി വെയക്കുന്നത് നല്ലതായിരിക്കും.one capital letter, one small letter,one number,one special character എന്നിവ ഉൾപ്പെടുന്ന എട്ടക്ക പാസ് വേഡ് വേണം ലോഗിൻ ക്രിയേറ്റ് ചെയ്യുന്നതിന് അത് മറക്കാതെ എഴ

ഉയർന്ന കരിയർ തേടി വിദേശ രാജ്യങ്ങളിലേക്ക് ചേക്കേറാൻ ആഗ്രഹിക്കുന്നവരോട് പറയാനുള്ള പ്രധാന കാര്യം,യോഗ്യതകൾ നേടുന്നതിനൊപ്പം ഭാഷകളും പഠിച്ചെടുക്കണം എന്നാണ്. ഇംഗ്ലീഷ് സംസാരിക്കുന്ന അമേരിക്ക, യു.കെ., കാനഡ, ന്യൂസീലൻഡ്, ഓസ്ട്രേലിയ എന്നീ രാജ്യങ്ങളിൽ ഇംഗ്ലീഷ് ഭാഷാ പഠനത്തിനാണ് മുൻഗണന.  ഇംഗ്ലീഷ് സംസാരിക്കാത്ത രാജ്യങ്ങളിൽ നിന്നുള്ളവർക്കായി ഇംഗ്ലീഷ് പ്രാവീണ്യ പരീക്ഷകളുണ്ട്. അമേരിക്കയിൽ ഉപരിപഠനത്തിനും തൊഴിലിനും  TOEFL (Test of English as a Foreign Language) സ്കോറും മറ്റു രാജ്യങ്ങളിൽ  IELTS (International English Language Testing System),  OET (Operational English Test),  BEC (Business English Communication), Lingua skills എന്നിവയിലേതെങ്കിലുമൊന്ന് ആവശ്യമാണ്  അന്താരാഷ്ട്രതലത്തിൽ ഉദ്യോഗാർഥികൾ ഏറെയെത്തുന്ന യൂറോപ്യൻ രാജ്യങ്ങളിലും ചൈന, ജപ്പാൻ എന്നീ രാജ്യങ്ങളിലും അതത് രാജ്യത്തെ ഭാഷ പഠിച്ചാൽ മാത്രമേ മികച്ച ഉപരിപഠന, തൊഴിൽസാധ്യതകൾ നേടാൻ കഴിയൂ. 🔰 ഉന്നതവിദ്യാഭ്യാസ രംഗത്ത് ജർമനി, ഫ്രാൻസ്, ജപ്പാൻ, ചൈന എന്നീ രാജ്യങ്ങളിൽ മികച്ച അവസരങ്ങൾക്ക് ഭാഷാപ്രാവീണ്യം നിർബന്ധമാണ്. 🌏 ജർമൻ 🔰 ജർമനിയിലെത്താൻ ജർമൻ ഭാഷ പഠിച്ചിരിക്കണം

ലോകത്തിൻ്റെ ഏത് കോണിൽ നിന്നും പഠിക്കാം ഇന്ത്യൻ യൂണിവേഴ്സിറ്റികളുടെ കോഴ്സുകൾ. അതും UGC അംഗീകൃത കോഴ്സുകൾകോവിഡ് മഹാമാരിയും സാങ്കേതിക വിദ്യയുടെ പുരോഗതിയും വിദ്യാഭ്യാസ മേഖലയെ അടിമുടി മാറ്റിക്കഴിഞ്ഞിട്ടുണ്ട്. ഇത് വിദ്യാഭ്യാസ മേഖലയ്ക്ക്  വെല്ലു വിളിയുയര്‍ത്തുന്നതോടൊപ്പം മികച്ച സാധ്യതകള്‍ കൂടിയാണ് തുറന്നു തന്നിട്ടുള്ളത്.  ഉന്നത നിലവാരമുള്ള കോഴ്സുകൾ Add-one ചെയ്താണ് മിക്ക യൂണിവേഴ്സിറ്റികളും ബിരുദ, ബിരുദാനന്തര കോഴ്സുകൾ ആവിഷ്കരിച്ചിരിക്കുന്നത്. ആഗോള നിലവാരത്തിലുള്ള വിദ്യാര്‍ത്ഥികള്‍ക്കായി തയാറാക്കുന്ന പ്രോഗ്രാമുകളുടെ മാതൃകയിലാണ് പ്രസ്തുത ഓൺലൈൻ കോഴ്സുകളുടെ സിലബസുകൾ രൂപകല്‍പ്പന ചെയ്തിട്ടുള്ളത്. വ്യവസായ-വാണിജ്യ മേഖല ആവശ്യപ്പെടുന്ന തരത്തിലുള്ള കരിക്കുലവും നൂതന സാങ്കേതിക വിദ്യയും അനുസരിച്ചുള്ള ഓണ്‍ലൈന്‍ കോഴ്സുകള്‍ വീട്ടിന്നകത്ത് പഠിച്ച് കൊണ്ട് നിരവധി തൊഴിലവസരങ്ങളുണ്ടാക്കാൻ സഹായിക്കും.  കാര്യക്ഷമവും കരുത്തുറ്റതുമായ ലേണിങ് മാനെജ്മെന്റ് സിസ്റ്റത്തിലൂടെ (എല്‍എംഎസ്)യാണ് മിക്ക യൂണിവേഴ്സിറ്റികളും സൗകര്യപ്രദവും വിദ്യാര്‍ത്ഥികള്‍ക്ക് എളുപ്പത്തില്‍ പഠിക്കാന്‍ സാധിക്കുന്നതുമായ പഠനരീതി അവലംബിച്ചിട്ടുള്ളത് വിഡിയോ

മഹാത്മാഗാന്ധി സർവകലാശാലയ്ക്ക് കീഴിലുള്ള ടീച്ചേഴ്സ് ട്രെയിനിംഗ് കോളേജുകളിലെ ഏകജാലകം വഴിയുള്ള ഒന്നാം വർഷ ബി.എഡ്. പ്രോഗ്രാമുകളിൽ പ്രവേശനത്തിനായുള്ള ഓൺലൈൻ രജിസ്ട്രേഷൻ ആരംഭിച്ചു. മാനേജ്മെന്റ്, കമ്മ്യൂണിറ്റി വിഭാഗത്തിന് സംവരണം ചെയ്ത സീറ്റുകൾ എന്നിവയിലേക്ക് അപേക്ഷിക്കുന്നവർ ഏകജാലക സംവിധാനത്തിലൂടെ അപേക്ഷിക്കുകയും അപേക്ഷ നമ്പർ പ്രവേശനം ആഗ്രഹിക്കുന്ന കോളേജിൽ അപേക്ഷ സമർപ്പിക്കുന്ന സമയത്ത് നൽകേണ്ടതുമാണ്.  ലക്ഷദ്വീപിൽ നിന്നുള്ള അപേക്ഷകർക്കായി ഓരോ കോളേജിലും സീറ്റുകൾ സംവരണം ചെയ്തിട്ടുണ്ട്. ലക്ഷദ്വീപ് നിവാസികളായ അപേക്ഷകരും ഏകജാലക സംവിധാനത്തിലൂടെ അപേക്ഷിക്കുകയും അപേക്ഷ നമ്പർ പ്രവേശനം ആഗ്രഹിക്കുന്ന കോളേജിൽ അപേക്ഷ സമർപ്പിക്കുന്ന സമയത്ത് നൽകേണ്ടതുമാണ്.  ഏകജാലകത്തിലൂടെ അപേക്ഷിക്കാത്ത ആർക്കും മാനേജ്മെന്റ്, കമ്മ്യൂണിറ്റി ക്വാട്ടകളിലേക്ക് അപേക്ഷിക്കാൻ സാധിക്കില്ല. ഭിന്നശേഷി/ സ്പോർട്സ് ക്വാട്ട വിഭാഗങ്ങളിലേക്കും ഓൺലൈനായി അപേക്ഷിക്കണം. പ്രൊവിഷണൽ റാങ്ക് ലിസ്റ്റ് സർവകലാശാല പ്രസിദ്ധീകരിക്കുന്നതും രേഖകളുടെ പരിശോധന അതത് കോളേജുകളിൽ ഓൺലൈനായി നടത്തുന്നതുമാണ്. കോവിഡ് 19 വൈറസ് വ്യാപനത്തിന്റെ സാഹചര്യത്തിൽ പ്രവേശനം പൂർണമാ

 ടൂറിസം വകുപ്പിന്റെ മാനേജ്മെന്റ് ഇൻസ്റ്റിറ്റ്യൂട്ടായ കിറ്റ്സിൽ, കേരള സർവ്വകലാശാലയുടെ കീഴിൽ, എ.ഐ.സി.റ്റി.ഇ യുടെ അംഗീകാരത്തോടെ നടത്തുന്ന ദ്വിവത്സര എം.ബി.എ (ട്രാവൽ ആന്റ് ടൂറിസം) കോഴ്സിന് ആഗസ്റ്റ് 25 വരെ അപേക്ഷിക്കാം. അംഗീകൃത സർവ്വകലാശാലയിൽ നിന്നും ഏതെങ്കിലും വിഷയത്തിൽ 50 ശതമാനം മാർക്കോടു കൂടിയ ഡിഗ്രിയും, കെ-മാറ്റ്/ സി-മാറ്റ് യോഗ്യതയും ഉള്ളവർക്കും അവസാന വർഷ ഡിഗ്രി വിദ്യാർത്ഥികൾക്കും അപേക്ഷിക്കാം. കൂടുതൽ വിവരങ്ങൾക്ക് www.kittsedu.org. 9446529467, 04712327707

  കേ ന്ദ്ര സർവകലാശാലയായ ഇംഗ്ലീഷ് ആൻഡ് ഫോറിൻ ലാംഗ്വേജസ് യൂണിവേഴ്സിറ്റി (ഇഫ്ലു) പ്രവേശനത്തിന് അപേക്ഷിക്കാം. മുഖ്യ കാമ്പസായ ഹൈദരാബാദിലും ഷില്ലോങ്, ലഖ്നൗ എന്നീ കാമ്പസുകളിലുമായി നടത്തുന്ന ബിരുദ, ബിരുദാനന്തര ബിരുദ, ഗവേഷണ, ഡിപ്ലോമ പ്രോഗ്രാമുകളിലേക്കാണ് പ്രവേശനം. ബിരുദ പ്രോഗ്രാമുകൾ: ബി.എ. (ഓണേഴ്സ്): ഇംഗ്ലീഷ്, അറബിക്, ചൈനീസ്, ഫ്രഞ്ച്, ജർമൻ, ജാപ്പനീസ്, കൊറിയൻ, പേർഷ്യൻ, റഷ്യൻ, സ്പാനിഷ്; ബി.എ. ജേണലിസം ആൻഡ് മാസ് കമ്യൂണിക്കേഷൻ. ഇംഗ്ലീഷ് ഒരു വിഷയമായി പഠിച്ച് 50 ശതമാനം മാർക്ക് വാങ്ങി (പട്ടിക വിഭാഗക്കാർക്ക് 45 ശതമാനം മാർക്ക്) പ്ലസ് ടു/തത്തുല്യ പരീക്ഷ ജയിച്ചവർക്ക് അപേക്ഷിക്കാം. പി.ജി. പ്രോഗ്രാമുകൾ: എം.എ: ഇംഗ്ലീഷ്, ജേണലിസം ആൻഡ് മാസ് കമ്യൂണിക്കേഷൻ, കംപ്യൂട്ടേഷണൽ ലിംഗ്വിസ്റ്റിക്സ്, ഇംഗ്ലീഷ് ലിറ്ററേച്ചർ, ലിംഗ്വിസ്റ്റിക്സ്, ലിറ്ററേച്ചേഴ്സ് ഇൻ ഇംഗ്ലീഷ്, കംപാരറ്റീവ് ലിറ്ററേച്ചർ, ഇംഗ്ലിഷ് ലാംഗ്വേജ് ടീച്ചിങ്, ഹിന്ദി, അറബിക് ലാംഗ്വേജ് ആൻഡ് ലിറ്ററേച്ചർ, ഫ്രഞ്ച് ലാംഗ്വേജ് ആൻഡ് ലിറ്ററേച്ചർ, ജർമൻ ലാംഗ്വേജ് ആൻഡ് ലിറ്ററേച്ചർ, ജാപ്പനീസ് ലാംഗ്വേജ് ആൻഡ് ലിറ്ററേച്ചർ, റഷ്യൻ ലാംഗ്വേജ് ആൻഡ് ലിറ്ററേച്ചർ. ടീച്ചർ എജ്യുക്കേഷൻ:

Postgraduate Diploma in Analytical Chemistry Postgraduate Diploma in Biotechnology Postgraduate Diploma in Nanobiotechnology MBA in Biotechnology MBA in Laboratory Management MBA in Pharmaceutical Management MBA in Biotechnology and Oil & Gas Management

 പൊതുജനാരോഗ്യ സംരക്ഷണത്തിന് പബ്ലിക് ഹെൽത്ത് കോഴ്സ് പൊതുജനങ്ങളാണ് രാജ്യത്തിൻ്റെ സമ്പത്ത്, പൊതുജന ആരോഗ്യ സംരക്ഷണം രാജ്യത്തെ സംരക്ഷിക്കുന്നതിന് തുല്യം. ആരോഗ്യമുള്ള ജനതയാണ് രാജ്യത്തിൻ്റെ ആരോഗ്യത്തെ വിലയിരുത്തുന്നതും. വൈ​വി​ധ്യ​മാ​ണ് ഈ പൊതുജനാരോഗ്യ മേഖലയുടെ മുഖമുദ്ര. ഡോ​ക്ട​ർ​മാ​ർ​ക്കും മറ്റു പ്രഫഷണൽ ബി​രു​ദ​ക്കാ​ർ​ക്കും ഈ ​രം​ഗ​ത്തു ള്ള ബി​രു​ദാ​ന​ന്ത​ര കോ​ഴ്സുകളിൽ പ്ര​വേ​ശ​നം നേ​ടാ​ൻ ക​ഴി​യും.  മെ​ഡി​ക്ക​ൽ, അ​ഗ്രി​ക്ക​ൾ​ച്ച​ർ, സ​യ​ൻ​സ്, എ​ൻ​ജി​നി​യ​റിം​ഗ്, നി​യ​മം തു​ട​ങ്ങി​യ വി​ഷ​യ​ങ്ങ​ളി​ൽ ബി​രു​ദം നേ​ടി​യ​വ​ർ വി​ശാ​ല ലോ​ക​ത്തേ​ക്കു ചു​വ​ടു വ​യ്ക്കാ​ൻ തെ​ര​ഞ്ഞെ​ടു​ക്കു​ന്ന​തും ഈ ​പബ്ലിക് ഹെൽത്ത് പ്ര​ഫ​ഷ​ൻ ത​ന്നെ.  പ്ര​തി​ബ​ദ്ധ​ത​യു​ള്ള​വ​ർ​ക്കു മി​ക​ച്ച ക​രി​യ​ർ ഓ​പ്ഷ​നാ​യി തെ​ര​ഞ്ഞ​ടു​ക്കാ​വു​ന്ന മേ​ഖ​ല​യാണ് ഇത്. ക​മ്യൂ​ണി​റ്റി മെ​ഡി​സി​ൻ, പ​ബ്ലി​ക് ഹെ​ൽ​ത്ത് എ​ന്നി​വ​യി​ൽ താ​ല്പ​ര്യ​മു​ള്ള എം​ബി​ബി​എ​സു​കാ​ർ കൂ​ടി ഈ ​രം​ഗ​ത്തേ​ക്കു​ള്ള കോ​ഴ്സു​ക​ളി​ൽ സ്വാ​ഭാ​വി​ക​മാ​യി ശ്ര​മി​ക്കു​ന്ന​തി​നാ​ൽ പ്ര​വേ​ശ​ന പ​രീ​ക്ഷ​യി​ൽ ഡോ​ക്ട​ർ​മാ​രോ​ട് മ​ത്സ​രി​ച്ച് ജ​യി​ച്ചു​വേ​ണം മ​റ്റു ബി​രു​ദ

 ക്ലിനിക്കൽ എഞ്ചിനീയറിങ് ഗേറ്റ് സ്കോറുള്ള ആരോഗ്യമേഖലയിൽ പ്രവർത്തിക്കാൻ താത്പര്യമുള്ള ബിടെക്കുകാരനാണ് നിങ്ങളെങ്കിൽ, നിങ്ങൾക്കുള്ളതാണ് മദ്രാസ് ഐഐടിയിലെ ദ്വിവത്സര മാസ്റ്റർ ഡിഗ്രി കോഴ്സായ M Tech Clinical Engineering. എന്താണ് ക്ലിനിക്കല്‍ എഞ്ചിനീയറിങ് ആതുര ശുശ്രൂഷാരംഗം കഴിഞ്ഞ ദശാബ്ദക്കാലം മുതല്‍ സാങ്കേതിക വിദ്യയില്‍ അധിഷ്ഠിതമായിക്കൊണ്ടിരിക്കുകയാണ്. എഞ്ചിനിയറിങ് പഠിച്ചിറങ്ങുന്ന വിദ്യാര്‍ഥികള്‍ക്ക് ബയോളജിയില്‍ വൈദഗ്ധ്യവും ക്ലിനിക്കല്‍ പ്രാക്ടീസില്‍ പരിചയവും ലഭ്യമാക്കിയാല്‍ ആതുരശുശ്രൂഷാ രംഗത്ത് പുതിയ കണ്ടുപിടിത്തങ്ങള്‍ക്ക് സാധ്യതയുണ്ടെന്ന ചിന്തയില്‍നിന്ന് വന്ന പഠനശാഖയാണ് ഐ.ഐ.ടി. മദ്രാസ് തുടങ്ങിയ 'ക്ലിനിക്കല്‍ എഞ്ചിനിയറിങ്' കോഴ്‌സ്. ഐ.ഐ.ടി. മദ്രാസിന്റെയും തിരുവനന്തപുരം ശ്രീചിത്രയുടെയും വെല്ലൂര്‍ സി.എം.ഡി. മെഡിക്കല്‍ കോളേജിന്റെയും സംയുക്ത സംരംഭമാണ് ഈ കോഴ്‌സ്.  ഐ.ഐ.ടി.യുടെ സാങ്കേതിക മികവും ശ്രീചിത്രയുടെ ബയോമെഡിക്കല്‍ പരിജ്ഞാനവും സി.എം.ഡി. വെല്ലൂരിന്റെ വൈദ്യശാസ്ത്രരംഗത്തുള്ള മികവും കൂടിച്ചേരുമ്പോള്‍ ലഭ്യമാകുന്ന അറിവാണ് ഈ കോഴ്‌സിന്റെ അടിസ്ഥാനം. രണ്ട് വര്‍ഷം നീളുന്ന 'ക്ലിനിക്കല്‍ എഞ്ചിനി

 കോമേഴ്സ് BEd ചെയ്യാൻ പറ്റുന്ന കോഴിക്കോട് സർവ്വകലാശാലക്ക് കീഴിലെ കോളേജുകൾ👇 UNIVERSITY OF CALICUT B.Ed Commerce 1.Mar Baselious College of Teacher Education, (Unaided) Sulthan Bathery, Wayanad (Estd.2004-05 with permission to start 2005-06) B.Ed Social Studies/ Physical Science/Natural Science/ English/   Commerce/ Mathematics 2.AWH College of Education (Unaided), Cheruvannur, Farook (p.o), Kozhikode (Estd.1996) Phone : Office : 0495 - 2484356 B.Ed Hearing Impaired,   Commerce, Social Science, Maths & Natural Science 50 M.Ed. (2010-11 with permission to start classes during 2011-12) 35 3.Sree Narayana College of Teacher Education (Unaided) Chelannur, Kozhikode (Estd.2002-03) Phone: Office : 0495-2262360 Res : 0475-2271605 B.Ed.   Commerce, Physical Science & Mathematics 90, M.Ed. (2009-10) 50 4.KPPM College, of Teacher Education (Unaided), Anakkayam, Malappuram (Estd.2002-03)Phone: 0483 - 2848277 Res : 9447252814, 9447220520 B.Ed  Commerce, Social Science, Natural Sci

എൻജിനീയറുടെ കൃത്യതയും സൗന്ദര്യബോധത്തിന്റെ മനോഹാരിതയും സമ്മേളിക്കുന്ന മേഖലയാണ് ആർക്കിടെക്ചർ. ഏതു നാഗരികതയുടെയും തനിമയ്ക്കു പിന്നിൽ ഭാവനാസമ്പന്നരായ വാസ്തുവിദ്യാ വിദഗ്ധരുടെ രൂപകൽപനാവൈഭവം തുടിച്ചുനിൽക്കും. അതുകൊണ്ടാവണം സ്വപ്നങ്ങളും വിയർപ്പും നിർമാണവസ്തുക്കളും യോജിപ്പിച്ച് നാഗരികതയുടെ നാഴികക്കല്ലുകൾ നാട്ടുന്നവരാണ് ആർക്കിടെക്റ്റുകൾ എന്നു പറയാറുള്ളത്. വീടുകൾ മാത്രമല്ല, ഷോപ്പിങ് മാളുകൾ, കോളജുകൾ, ദേവാലയങ്ങൾ, ആശുപത്രികൾ, തിയറ്ററുകൾ തുടങ്ങി ഏതു തരം കെട്ടിടങ്ങളും രൂപകൽപന ചെയ്യാൻ ആർക്കിടെക്റ്റുകൾക്ക് അവസരമുണ്ട്. പാർക്കുകൾ, ബീച്ചുകൾ എന്നിവയുടെ ഡിസൈനുമാകാം. നഗരാസൂത്രണം, ഗ്രാമതല ആസൂത്രണം മുതലായ ബൃഹദ് പദ്ധതികളിലും ആർക്കിടെക്റ്റുകളുടെ സേവനം ആവശ്യമാണ്. എൻജിനീയറിങ് എൻട്രൻസ് റാങ്ക് നോക്കി ബിആർക് (ബാച്‌ലർ ഓഫ് ആർക്കിടെക്ചർ) പ്രവേശനം നൽകുന്ന കാലമുണ്ടായിരുന്നു. ഇന്നു കഥ മാറി. എൻട്രൻസ് പരീക്ഷ എഴുതേണ്ടതില്ല. പക്ഷേ, കേരളത്തിലെ ബിആർക് പ്രവേശനത്തിന് എൻജിനീയറിങ് എൻട്രൻസ് അപേക്ഷകരോടൊപ്പം കമ്മിഷണർക്ക് അപേക്ഷ സമർപ്പിക്കണം. കൂടാതെ, നാറ്റ (NATA: National Aptitude Test in Architecture) എന്ന ദേശീയ അഭിരുചി പരീക്ഷയിൽ  യോഗ്യത

ഡൽഹി യൂണിവേഴ്സിറ്റി (DU) ഇന്ത്യയിലെ ഏറ്റവും വലിയ കേന്ദ്ര സർവകലാശാലകളിലൊന്നായ *ഡൽഹി യൂണിവേഴ്സിറ്റി* യിൽ  ഡിഗ്രീ, പി.ജി PhD പ്രവേശനം ഡൽഹിയുടെ പല ഭാഗങ്ങളിലായി പരന്ന് കിടക്കുന്ന 77 കോളേജ്കൾ,  16 ഫാക്കൽറ്റികൾ,  86 അക്കാഡമിക് ഡിപാർട്മെന്റുകൾ എന്നിവ ഡൽഹി യൂണിവേഴ്സിറ്റിയുടെ പ്രത്യേകതയാണ്  *PG* കോഴ്സുകളെ നോർത്ത്, സൗത്ത് എന്നീ രണ്ട് കാമ്പസുകളിലായും തിരിച്ചിട്ടുണ്ട്. പുറമെ *Mphil*, *PhD* കോഴ്സുകളും സർവകലാശാല നൽകുന്നുണ്ട്.PG കോഴ്സുകൾക്ക് ഏറ്റവും കൂടുതൽ സീറ്റുകൾ ഉള്ള സർവ്വകലാശാലയാണ് *DU*. മികച്ച പഠനാന്തരീക്ഷം, വിശാലമായ ലൈബ്രറി സൗകര്യം, ഇന്ത്യയിലെ തന്നെ മികച്ച കോഴ്സ് സിലബസ്  ഫാക്വൽട്ടികൾ  ഡൽഹി യൂണിവേഴ്സിറ്റിയുടെ മാത്രം പ്രത്യേകതകളാണ്. വിഷയത്തിൽ അഗാതമായ പഠനം നടത്താൻ അവസരം നൽകുന്ന ഹോണേർസ് ബിരുദങ്ങൾ  ആണ് DU വിന്റെ മറ്റൊരു പ്രത്യേകത. *DU വിന്റെ കീഴിലുള്ള പ്രസിദ്ധമായ കോളെജുകളിൽ ചിലത്*: 1.സെന്റ്. സ്റ്റീഫൻ കോളേജ്    2.ഹിന്ദു കോളേജ് 3. ഹൻസ് രാജ് കോളേജ് 4.ശ്രീ വെങ്കിടേശ്വര 5. രാം ജാസ് 6. SRCC 7. ജീസസ്&മേരി ഫോർ വുമൺ  8. മിറാൻഡ house 9. കിരോരി മാൾ 10.സാക്കിർ ഹുസൈൻ കോളേജ് കോഴ്‌സുകൾ  ➖➖➖➖➖➖ UG :- Humanities,

  ബധിരർക്കും ശ്രവണപരിമിതിയുള്ളവർക്കുമായി നിഷ്-ൽ നടത്തുന്ന കേരള യൂണിവേഴ്‌സിറ്റി അംഗീകൃത ബിഎസ്സി കമ്പ്യൂട്ടർ സയൻസ് (എച്ച്‌ഐ), ബാച്ചിലർ ഓഫ് ഫൈൻ ആർട്‌സ് (എച്ച്‌ഐ), ബാച്ചിലർ ഓഫ് കൊമേഴ്‌സ് (എച്ച്‌ഐ) ഡിഗ്രി കോഴ്‌സുകളിലേക്ക് അപേക്ഷിക്കാം. ഓൺലൈനായി അപേക്ഷ സമർപ്പിക്കുന്നതിനുള്ള അവസാന തീയതി ഓഗസ്റ്റ് 25.  ഇന്ത്യയിലെ അംഗീകൃത യൂണിവേഴ്‌സിറ്റി/ബോർഡ് എന്നിവിടങ്ങളിൽ നിന്നുള്ള പ്ലസ് ടു അല്ലെങ്കിൽ ഇന്ത്യയിലെ യൂണിവേഴ്‌സിറ്റികൾ ഡിഗ്രി കോഴ്‌സിന് പരിഗണിക്കുന്ന തത്തുല്യമായ അടിസ്ഥാന യോഗ്യത ഉണ്ടായിരിക്കണം. കൂടുതല്‍ വിവരങ്ങള്‍ക്കും രജിസ്‌ട്രേഷനും  http://www.nish.ac.in ,  admissions.nish.ac.in  എന്നീ വെബ്‌സൈറ്റുകള്‍ സന്ദര്‍ശിക്കുക.  ഹെല്‍പ് ഡെസ്‌ക് നമ്പര്‍: 0471-2944635.

കേന്ദ്ര ബഹിരാകാശ വകുപ്പിന്റെ നിയന്ത്രണത്തിൽ തിരുവനന്തപുരം വലിയമലയിൽ പ്രവർത്തിക്കുന്ന സ്ഥാപനമാണ് ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി(ഐ.ഐ.എസ്.ടി.) കല്പിത സർവകലാശാലയായ ഇവിടെ ബി.ടെക്/ബി.ടെക്.+ മാസ്റ്റർ ബിരുദ പഠനത്തിന് എല്ലാ ചെലവും കേന്ദ്രസർക്കാറാണ് വഹിക്കുക. 🔘എന്താണ് ഐഐഎസ്ടി ഇന്ത്യൻ സ്പേസ് റിസർച്ച് ഓർഗനൈസേഷനിലും ബഹിരാകാശ വകുപ്പിന്റെ മറ്റു കേന്ദ്രങ്ങളിലും ആവശ്യമായ മികച്ച ശാസ്ത്രജ്ഞരെയും എൻജിനീയർമാരെയും വാർത്തെടുക്കുന്നതിനുവേണ്ടി 2007ലാണ് ഐ.ഐ.എസ്.ടി. തുടങ്ങുന്നത്.  സ്പേസ് സയൻസസ്, സ്പേസ് ടെക്നോളജി, സ്പേസ് ആപ്ലിക്കേഷൻസ് വിഭാഗങ്ങളിൽ ആഴത്തിലുള്ള പഠനം നടത്താൻ ഇന്ത്യയിലെ ഏക സ്ഥാപനമാണിത്. പ്രശസ്ത ശാസ്ത്രജ്ഞനായ പ്രൊഫ. ബി എൻ സുരേഷ് റാവുവാണ് നിലവിലെ ചാൻസലർ; S സോമനാഥ് ഡയറക്ടറും. ✳️ലഭ്യമായ യു.ജി. പ്രോഗ്രാമുകൾ 🔰1. ബി.ടെക്. എയ്റോസ്പേസ് എൻജിനീയറിങ് റോക്കറ്റുകൾ, വിമാനങ്ങൾ, കൃത്രിമോപഗ്രഹങ്ങൾ എന്നിവയുടെ രൂപകല്പനയും വികസനവുമാണ് പ്രധാനമായും പഠിക്കാനുള്ളത്. സോളിഡ് മെക്കാനിക്സ്, ഫ്ളൂയ്ഡ് മെക്കാനിക്സ്, തെർമോ ഡൈനാമിക്സ്, ഹീറ്റ് ട്രാൻസ്ഫർ ആൻഡ് മെറ്റീരിയൽസ് സയൻസ്, എയ്റോ ഡൈനാമിക്സ്, ഫ്ളൈറ്റ്

  കേന്ദ്ര, സംസ്ഥാനസർക്കാരുകളുടെ (ടൂറിസം വകുപ്പിന്റെ കീഴിൽ) സംയുക്ത സംരഭമായ ഫുഡ് ക്രാഫ്റ്റ് ഇൻസ്റ്റിറ്റ്യൂട്ട് കേരളത്തിലെ 13 കേന്ദ്രങ്ങളിലായി  നടത്തുന്ന ആറ് പ്രോഗ്രാമുകളിലെ പ്രവേശനത്തിന് എസ്.എസ്.എൽ.സി. ജയിച്ചവർക്ക് അപേക്ഷിക്കാം. കോഴ്സുകൾ: ഫ്രണ്ട് ഓഫീസ് ഓപ്പറേഷൻ (അതിഥികളുടെ സ്വീകരണ മേഖലയുമായി ബന്ധപ്പെട്ട പ്രവർത്തനങ്ങൾ), ഫുഡ് ആൻഡ് ബിവറേജ് സർവീസ് (ആഹാരം, പാനീയങ്ങൾ എന്നിവയുടെ വിളമ്പൽ), ഹോട്ടൽ അക്കമൊഡേഷൻ ഓപ്പറേഷൻ (അതിഥികളുടെ താമസകാലത്തെ സൗകര്യങ്ങൾ ഉറപ്പാക്കുന്നതുമായി ബന്ധപ്പെട്ട പoനം), ഫുഡ് പ്രൊഡക്ഷൻ (ആഹാരം ഉണ്ടാക്കുന്നതിന്റെ ശാസ്ത്രം), ബേക്കറി ആൻഡ് കൺഫക്ഷണറി (കേക്ക്, ബ്രഡ്,പേസ്റ്ററി തുടങ്ങിയവ തയ്യാറാക്കൽ), കാനിങ് ആൻഡ് ഫുഡ് പ്രിസർവേഷൻ (ഭക്ഷണപദാർഥങ്ങൾ കേടുവരാതെ സൂക്ഷിക്കുന്നതുമായി ബന്ധപ്പെട്ട പഠനം) എന്നിവ. ഒൻപതുമാസം ക്ലാസും മൂന്നുമാസം ഇൻഡസ്ട്രിയൽ എക്സ്പോഷർ ട്രെയിനിങ്ങുമാണ് കോഴ്സ് ഘടന.  ഓരോ കേന്ദ്രത്തിന്റെയും വിലാസം, ലഭ്യമായ പ്രോഗ്രാമുകൾ,സീറ്റ് ലഭ്യത തുടങ്ങിയവ  https://fcikerala.org- യിലെ പ്രോസ്പക്ടസിൽ ഉണ്ട്. അപേക്ഷ  www.fcikerala.org  വഴി ഓഗസ്റ്റ് 10-ന് വൈകീട്ട് അഞ്ചുവരെ നൽകാം. ഒരു അപേക്ഷ

ചിത്രരചനയില്‍ കഴിവും കലാപരമായ താത്പര്യവുമുള്ളവര്‍ക്ക് തിരഞ്ഞെടുക്കാന്‍ പറ്റിയ തൊഴില്‍മേഖല കൂടിയാണിത്. വിനോദവ്യവസായം, ടെലിവിഷന്‍, വിദ്യാഭ്യാസം, വിനോദസഞ്ചാരം, പ്രസാധനം, വെബ്ഡിസൈനിങ് രംഗങ്ങളിലെല്ലാം ആയിരക്കണക്കിന് ആനിമേഷന്‍ വിദഗ്ധര്‍ ഇപ്പോള്‍ ജോലിയെടുക്കുന്നുണ്ട്. ഡിജിറ്റല്‍ സാങ്കേതിക വിദ്യയുടെ വിപ്ലവകരമായ വികാസത്തോടെ കമ്പ്യൂട്ടര്‍ ആനിമേഷന്‍ രംഗം വമ്പന്‍ കുതിപ്പു നടത്തിക്കഴിഞ്ഞു. പരസ്യ വ്യവസായം നിലനില്‍ക്കുന്നത് തന്നെ ആനിമേഷന്റെ സഹായത്തോടെയാണിപ്പോള്‍.  പ്ലസ്ടു യോഗ്യതയുള്ള ആര്‍ക്കും അല്പമൊന്ന് കഷ്ടപ്പെട്ടാല്‍ ആനിമേഷന്‍ രംഗത്ത് ചുവടുറപ്പിക്കാനാകും. പക്ഷേ എല്ലാ പ്ലസ്ടുക്കാര്‍ക്കും അനിമേറ്ററാകാന്‍ സാധിച്ചെന്നുവരില്ല.  കലയും സാങ്കേതികവിദ്യയും ഒരേയളവില്‍ കൂടിച്ചേരേണ്ട ജോലിയാണിത്. വരയ്ക്കാനും സ്‌കെച്ച് ചെയ്യാനുമുള്ള വിരുത്, ഹാസ്യബോധം, ഭാവനാശേഷി, നിരീക്ഷണപാടവം എന്നിവയൊക്കെയുള്ളവര്‍ക്കേ ഈ രംഗത്ത് ശോഭിക്കാനാകൂ.  മണിക്കൂറുകളോളം ഒറ്റയിരിപ്പിന് ചിത്രങ്ങള്‍ വരച്ചുതീര്‍ക്കാനുള്ള ക്ഷമ കൂടി ഇക്കൂട്ടര്‍ക്ക് വേണം.  ഫൈന്‍ ആര്‍ട്‌സ് ബിരുദമുള്ളവര്‍ക്ക് പഠനം എളുപ്പമാവും. 🩸ആനിമേഷൻ & മൾട്ടി മീഡിയ   സ്ഥാ​പ​ന​

 ഹോട്ടല്‍ മാനേജ്‌മെന്റ് പഠനം കേരളത്തിൽ ടൂറിസം മേഖലയില്‍ കേരളത്തിന്റെ പ്രശസ്തി വര്‍ധിക്കുന്നതനുസരിച്ച് ഹോട്ടല്‍ മാനേജ്‌മെന്റ് കോഴ്‌സുകള്‍ക്ക് പ്രാധാന്യവും വര്‍ധിച്ചുവരുന്നു. 45 ശതമാനം മാര്‍ക്കോടെ പ്ലസ്ടു പാസ്സായവര്‍ക്ക് ബാച്ചിലര്‍ ഓഫ് ഹോട്ടല്‍ മാനേജ്‌മെന്റ് ആന്‍ഡ് കാറ്ററിങ് ടെക്‌നോളജി കോഴ്‌സില്‍ പ്രവേശനം നേടാം.  ഇതുകൂടാതെ നാഷണല്‍ കൗണ്‍സില്‍ ഫോര്‍ ഹോട്ടല്‍ മാനേജ്‌മെന്റ് ആന്‍ഡ് കാറ്ററിങ് ടെക്‌നോളജി ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റിയുമായി ചേര്‍ന്ന് നടത്തുന്ന മൂന്നുവര്‍ഷ ബി.എസ്‌സി. ഹോസ്പിറ്റാലിറ്റി ആന്‍ഡ് ഹോട്ടല്‍ അഡ്മിനിസ്‌ട്രേഷന്‍ കോഴ്‌സുണ്ട്. പൊതുപ്രവേശന പരീക്ഷ വഴിയാണ് പ്രവേശനം.  കോവളത്തെ ഇന്‍സ്റ്റിറ്റിയൂട്ട് ഓഫ് ഹോട്ടല്‍ മാനജ്‌മെന്റ്, കോഴിക്കോട്ടെ സ്റ്റേറ്റ് ഇന്‍സ്റ്റിറ്റിയൂട്ട് ഓഫ് ഹോട്ടല്‍ മാനേജ്‌മെന്റ്, വയനാട്ടിലെ ലക്കിടിയിലുള്ള ഓറിയന്റല്‍ സ്‌കൂള്‍ ഓഫ് ഹോട്ടല്‍ മാനേജ്‌മെന്റ് (സ്വകാര്യം) എന്നീ സ്ഥാപനങ്ങളിലേക്ക് ഈ പരീക്ഷയിലൂടെയാണ് പ്രവേശനം.  അതതു വര്‍ഷം പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം. വിശദാംശങ്ങള്‍ www.nchmct.org എന്ന വെബ്‌സൈറ്റില്‍ ലഭിക്കും. ഇന്ത്യന്‍ ഇന്‍സ്

  സെക്രട്ടേറിയല്‍ പ്രാക്ടീസ്... 2021-22 ബാച്ചിലേക്ക് അപേക്ഷിക്കാനുള്ള  തിയതി 01.09.2021 പത്താം ക്ലാസിന് ശേഷം അധികമൊന്നും പഠിക്കാതെ തന്നെ ജോലി വേണമെന്നുള്ളവർക്ക് തിരഞ്ഞെടുക്കാവുന്നതാണ് സെക്രട്ടേറിയല്‍ പ്രാക്ടീസ് കോഴ്സ്.  സംസ്ഥാന സര്ക്കാിരിന്റെോ സാങ്കേതിക വിദ്യാഭ്യാസ വകുപ്പാണ് ഈ ഡിപ്ലോമ കോഴ്സ് നടത്തുന്നത്. എന്താണ് പഠിക്കുവാനുള്ളത് ഷോര്ട്ട് ഹാന്ഡ്, ടൈപ്പ് റൈറ്റിങ്ങ്, കമ്പ്യൂട്ടര്‍ പരിജ്ഞാനം (വേഡ് പ്രൊസസിങ്) ഇവയാണ് പ്രധാന പാഠ്യ വിഷയങ്ങള്‍. യോഗ്യതയും കാലാവധിയും എസ് എസ് എല്‍ സി അല്ലെങ്കില്‍ ടി എച്ച് എസ് എല്‍ സി ആണ് യോഗ്യത.  പ്ലസ് ടു പാസായവര്ക്ക് 10 മാര്ക്ക് ഗ്രേസ് മാര്ക്കു ണ്ട്.  60 സീറ്റ് വീതമുള്ള ഈ കോഴ്സിന്റെ കാലാവധി 2 വർഷമാണ്. ജോലി സാധ്യത സർക്കാര്‍ സർവീസില്‍ സ്റ്റെനോഗ്രാഫര്‍, ടൈപ്പിസ്റ്റ് തസ്തികകളിലും സെക്രട്ടേറിയേറ്റില്‍ റിപ്പോർട്ടര്‍, പോളിടെക്നിക് കോളേജുകളില്‍ ഇന്സ്ട്രക്ടര്‍ തസ്തികകളിലും ജോലി നേടുവാന്‍ പര്യാപ്തമാണീ കോഴ്സ്.  സ്വകാര്യ മേഖലയിലും അവസരങ്ങളുണ്ട്. പ്രൈവറ്റ് സെക്രട്ടറിയായോ ഓഫീസ് അസിസ്റ്റന്റ് ആയോ ജോലി നോക്കാം.