NEST (National Entrance Screening Test)
NEST എന്ന പ്രവേശന പരീക്ഷ എഴുതി ഉയർന്ന റാങ്ക് ലഭിക്കുന്നവർക്കാണ് ഒറീസയിലെ ഭുവനേശ്വറിലുള്ള നാഷണൽ ഇൻസ്റ്റിറ്റ്യൂട്ട് ഓഫ് സയൻസ് എഡ്യുക്കേഷൻ ആൻഡ് റിസർച്ചിലും യൂണിവേഴ്സിറ്റി ഓഫ് മുംബൈയുടെ ഡിപ്പാർട്ട്മെന്റ് ഓഫ് അറ്റോമിക് എനർജി സെന്റർ ഫോർ എക്സലൻസ് ഇൻ ബേസിക് സയൻസ് മുംബൈ (UM DAECBS) എന്നിവിടങ്ങളിൽ നടക്കുന്ന ബേസിക് സയൻസിൽ ഉപരിപഠനം നടത്താൻ പ്രവേശനം ലഭിക്കുക.
മുകളിൽ സൂചിപ്പിച്ച വിഷയങ്ങളിൽ പഠനവും ഉപരിപഠനവും പൂർത്തീകരിക്കുന്നത് നാഷണൽ ഇൻസ്റ്റിറ്റ്യൂട്ട് ഓഫ് സയൻസ് എഡ്യുക്കേഷൻ ആൻഡ് റിസർച്ച്, യൂണിവേഴ്സിറ്റി ഓഫ് മുംബൈയുടെ ഡിപ്പാർട്ട്മെന്റ് ഓഫ് അറ്റോമിക് എനർജി സെന്റർ ഫോർ എക്സലൻസ് ഇൻ ബേസിക് സയൻസ് പോലുള്ള സ്ഥാപനങ്ങളിൽനിന്നായതിനാൽ അവസരങ്ങളുടെ എണ്ണവും ഫ്യൂച്ചർ കരിയർ ഗ്രോത്തും പതിന്മടങ്ങ് വർധിക്കും. ആയതിനാൽ മിടുക്കരായ വിദ്യാർഥികൾ “നെസ്റ്റ്’’ എന്ന പ്രവേശന പരീക്ഷ നിർബന്ധമായും എഴുതേണ്ടതാണ്.
▫️ആർക്കാണീ പരീക്ഷ എഴുതാവുന്നത്
സയൻസ് ബ്രാഞ്ചിൽ പന്ത്രണ്ടാം ക്ലാസ് പഠിച്ച് 60 ശതമാനം മാർക്ക് നേടിയ പൊതു വിഭാഗത്തിൽപ്പെട്ട വിദ്യാർഥികൾക്ക് പരീക്ഷ എഴുതാൻ കഴിയുന്നതാണ്.
എന്നാൽ എസ്സി, എസ്ടി കുട്ടികൾക്കും ശാരീരികമായ വെല്ലുവിളികൾ അനുഭവിക്കുന്ന വിദ്യാർഥികൾക്ക് പ്ലസ്ടുവിന് 55 ശതമാനം മാർക്ക് ഉണ്ടെങ്കിൽ നെസ്റ്റ് പ്രവേശന പരീക്ഷ എഴുതാൻ വിദ്യാർഥികൾക്കു യോഗ്യതയാവും.
അഞ്ചു വർഷം പഠനദൈർഘ്യമുള്ള ബിരുദ ബിരുദാനന്തര പഠനമാണ് നെസ്റ്റ് പരീക്ഷ പാസാകുന്നതിലൂടെ പ്രവേശനം ലഭിക്കുന്ന പഠന മേഖലകൾ. അഞ്ചു വർഷം പഠനകാല ദൈർഘ്യമുള്ള എംഎസ്സി പ്രോഗ്രാമുകളാണ് നാഷണൽ ഇൻസ്റ്റിറ്റ്യൂട്ട് ഓഫ് സയൻസ് എഡ്യുക്കേഷൻ ആൻഡ് റിസേർച്ച് ഭുവനേശ്വർ വിദ്യാർഥികൾക്കായി നല്കുന്ന പഠനാവസരം. ആകെ 202 (200+2) സീറ്റുകളാണ് NISERൽ ലഭ്യമായിട്ടുള്ളത്. വിജയകരമായി പഠനം പൂർത്തിയാക്കുന്നവർക്ക് ഡീംഡ് യൂണിവേഴ്സിറ്റിയായ ഹോമി ബാബ നാഷണൽ ഇൻസ്റ്റിറ്റ്യൂട്ടാണ് ബിരുദങ്ങൾ നല്കുന്നത്.
കൂടുതൽ വിവരങ്ങൾക്കായി സന്ദർശിക്കുക www.niser.ac.in
ഇതോടൊപ്പം തന്നെ നെസ്റ്റ് പ്രവേശന പരീക്ഷയുടെ അടിസ്ഥാനത്തിൽ പ്രവേശനം നല്കുന്ന യൂണിവേഴ്സിറ്റി ഓഫ് മുംബൈയുടെ ഡിപ്പാർട്ട്മെന്റ് അറ്റോമിക് എനർജി സെന്റർ ഫോർ എക്സലൻസി ഇൻ ബേസിക് സയൻസസ്(UM DAECBS) അഞ്ചു വർഷം ഉള്ള ഇന്റഗ്രേറ്റഡ് എംഎസ്സി പ്രോഗ്രാം ഗണിതശാസ്ത്രം, ഊർജതന്ത്രം, രസതന്ത്രം, ഗണിതശാസ്ത്രം എന്നീ പ്രാഥമിക ശാസ്ത്രശാഖകളിൽ പഠന ഗവേഷണങ്ങൾ നടത്തുന്നു.
ആകെ 47 വിദ്യാർഥികൾക്കു മാത്രമേ പ്രവേശനം ലഭിക്കൂ. പഠനം വിജയകരമായി പൂർത്തിയാക്കുന്ന വിദ്യാർഥികൾക്ക് ബിരുദം നല്കുന്നത് മുംബൈ സർവകലാശാലയാണ്. വിവരങ്ങൾക്ക് www.cbs.ac.in
Comments
Post a Comment