JAM (Joint Admission Test For M.Sc
നാഷണൽ ഇൻസ്റ്റിറ്റ്യൂട്ട് ഫോർ സയൻസ് എഡ്യുക്കേഷൻ ആൻഡ് റിസേർച്ചിൽ ബിരുദാനന്തര പഠനവും ഗവേഷണവും നടത്താനായി പ്രവേശനം ലഭിക്കാൻ എഴുതേണ്ട പ്രവേശന പരീക്ഷ JAM എന്ന ചുരുക്കപ്പേരിലറിയപ്പെടുന്ന ജോയിന്റ് അഡ്മിഷൻ ടെസ്റ്റ് ഫോർ എംഎസ്സി
രണ്ടു വർഷം പഠനദൈർഘ്യമുള്ള എംഎസ്സി, ജോയിന്റ് എംഎസ്സി, പിഎച്ച്ഡി, എംഎസ്സി പിഎച്ച്ഡി ഡ്യൂവൽ ബിരുദം, എംഎസ്സി എംടെക് മുതലായ ബിരുദബിരുദാനന്തര പഠനം രാജ്യത്തെ മികച്ച ശാസ്ത്ര സാങ്കേതിക പഠന സ്ഥാപനങ്ങളായ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി ഐഐഎഫുകളിലും ബംഗളൂരുവിൽ പ്രവർത്തിക്കുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലും ഉപരിപഠനം നടത്തുന്നതിനുള്ള യോഗ്യതാ പരീക്ഷയാണ്.
ജാം പരീക്ഷയുടെ എടുത്തുപറയേണ്ട പ്രത്യേകത വിദേശികൾക്കും സ്വദേശികൾക്കും പരീക്ഷ എഴുതാനുള്ള അവസരം ഉണ്ട് എന്നതാണ്.
ജാം പരീക്ഷ ഏഴ് വ്യത്യസ്തങ്ങളായ വിഷയങ്ങളിലാണ് നടക്കുന്നത്.
ഇവയാകട്ടെ
ജീവശാസ്ത്രം,
രസതന്ത്രം,
ഊർജതന്ത്രം,
ഗണിതശാസ്ത്രം
കൂടാതെ
ബയോടെക്നോളജി,
ജിയോളജി,
മാത്തമാറ്റിക്കൽ സ്റ്റാറ്റിസ്റ്റിക്സ് എന്നിവയാണ്.
▪️ജാം പരീക്ഷ എഴുതാനുള്ള യോഗ്യത
മുകളിൽ സൂചിപ്പിച്ച ഏഴു വിഷയങ്ങളിൽ ഏതിലെങ്കിലും 55 ശതമാനം മാർക്കിൽ കുറയാതെയുള്ള ബിരുദം പരീക്ഷാർഥി നേടിയിട്ടുണ്ടാകണം.
55 ശതമാനം മാർക്ക് ഭാഷാ വിഷയങ്ങൾക്കും ബിരുദതല പഠനത്തിലെ സബ്സിഡയറി വിഷയത്തിനും കൂടിയുള്ള മാർക്ക് ശതമാനമാണ്. 55 ശതമാനം മാർക്ക് പൊതുവിഭാഗത്തിൽപ്പെടുന്ന വിദ്യാർഥികൾക്കാണ്. എസ്സി, എസ്ടി, മറ്റു ശാരീരിക വൈകല്യങ്ങളുള്ള വിദ്യാർഥികൾ 50 ശതമാനം മാർക്കോടെ മുകളിൽ സൂചിപ്പിച്ച ഏഴു വിഷയങ്ങളിലേതിലെങ്കിലും ബിരുദം ഉണ്ടായാൽ മതി. ഓരോ വിഷയത്തിലും നടക്കുന്ന പരീക്ഷയ്ക്ക് പരീക്ഷാർഥിയുടെ പെർഫോമൻസിന്റെ അടിസ്ഥാനത്തിൽ നേടിയിട്ടുള്ള മാർക്കിന്റെ അടിസ്ഥാനത്തിൽ ദേശീയതലത്തിൽ തന്നെ ഒരു റാങ്ക് ലിസ്റ്റ് തയാറാക്കും. ഈ ദേശീയതലത്തിൽ തയാറാക്കിയിട്ടുള്ള റാങ്കിന്റെ അടിസ്ഥാനത്തിലായിരിക്കും രാജ്യത്തിന്റെ വിവിധ ഭാഗങ്ങളിലായി ചിതറിക്കിടക്കുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയുടെയും ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ്, ബംഗളൂരുവിലെയും വിവിധ ബിരുദ/ബിരുദാനന്തര പഠന ഗവേഷണ മേഖലയിലേക്കുള്ള പ്രവേശനം നല്കുന്നത്.
ജാം പരീക്ഷ വിജയിക്കാതെ ആർക്കും ഈ സ്ഥാപനങ്ങളിൽ ഉപരിപഠനത്തിനു പ്രവേശനം ലഭിക്കില്ല. സാധാരണയായി ജോയിന്റ് അഡ്മിഷൻ ടെസ്റ്റ് ഫോർ എംഎസ്സിക്ക് അപേക്ഷ ക്ഷണിക്കുന്നത് എല്ലാ വർഷവും ഏപ്രിൽ മാസത്തിലാണ്. പരീക്ഷ ആ വർഷത്തെ മേയ്/ജൂൺ മാസങ്ങളിലാണു നടക്കുക.
കൂടുതൽ വിവരങ്ങൾക്കായി www.jam.iitm.ac.in സന്ദർശിക്കുക.
Comments
Post a Comment