B.Ed @ Aligarh University

 *അലിഗഡ് മുസ്ലിം യൂണിവേഴ്സിറ്റിയിൽ ബി.എഡ് ചെയ്യാം..

അലിഗഢ് മുസ്ലിം യൂണിവേഴ്സിറ്റിക്ക് കീഴിലുള്ള അലിഗഢ് (ഉത്തർപ്രദേശ്), മുർഷിദാബാദ് (പശ്ചിമ ബംഗാൾ), മലപ്പുറം (കേരളം) എന്നീ മൂന്നു ക്യാമ്പസുകളിലും ഒരുപോലെ ലഭ്യമാവുന്ന  കോഴ്സാണ് B.Ed.

*അലിഗഢിലെ B. Ed കോഴ്സിന്റെ പ്രത്യേകതകൾ എന്തെല്ലാം?*

• ഡബിൾ മെയിൻ B. Ed (ഒരേ സമയം 2 വിഷയങ്ങളിൽ ബി.എഡ് ലഭിക്കുന്നു)

• ഏറ്റവും കുറഞ്ഞ ചിലവിലുള്ള പഠനം.

• പ്രഗത്ഭരായ അധ്യാപകരുടെ ശിക്ഷണം.

• CBSE സ്ക്കൂളുകളിൽ അധ്യാപക പരിശീലനം

• വിവിധ സാംസ്കാരിക പൈതൃകമുള്ള വിവിധ ഭാഷക്കാരായ സഹപാഠികളുടെ സമ്പർക്കം.

• സ്കോളർഷിപ്പോടു കൂടിയ പഠനം.

• മികച്ച അടിസ്ഥാന സൗകര്യങ്ങൾ

*പ്രവേശനം എങ്ങനെ?*

ദേശീയ തലത്തിൽ നടത്തപ്പെടുന്ന പ്രവേശന പരീക്ഷയിലൂടെ ലഭ്യമാവുന്ന റാങ്ക് അടിസ്ഥാനത്തിലാണ് അലിഗഢ് യൂണിവേഴ്സിറ്റിയുടെ 3 ക്യാമ്പസുകളിലേക്കുമുള്ള പ്രവേശനം.

*ആർക്കെല്ലാം അപേക്ഷിക്കാം...?*

അതാത് വിഷയത്തിൽ 50% മാർക്കോടു കൂടിയ BA/Bsc/B.com/B.Th ബിരുദമോ അല്ലെങ്കിൽ Science/Social Science/Humanities എന്നിവയിൽ ബിരുദാനന്തര ബിരുദമോ ഉള്ളവർക്ക് അപേക്ഷിക്കാം.

*ഡബിൾ മെയിൻ ബി.എഡ് എന്നാൽ എന്താണ്?*

2 വർഷം കൊണ്ട് നിങ്ങൾക്ക് 2 വിഷയത്തിൽ ബി.എഡ് ലഭിക്കും. 2 വിഷത്തിലും അധ്യാപക പരിശീലനവും മറ്റുമെല്ലാം ഒരുപോലെയായിരിക്കും. 

*അപേക്ഷിക്കുന്നതിന് പ്രായപരിധിയുണ്ടോ?*

അതെ, 2021 ജൂലായ് 1ന് 27 വയസിൽ കവിയരുത്.

*ഒരോ വിഷയത്തിലും എത്രത്തോളം സീറ്റുകളുണ്ട്?*

*A) മലപ്പുറം സെന്റർ*

അറബിക് - 3, ഇംഗ്ലീഷ് - 7, ഹിന്ദി - 2, മലയാളം - 4, ഉർദു - 2, സിവിക്സ് - 3, കൊമേഴ്സ്-3, എക്കണോമിക്സ്-3,ജോഗ്രഫി - 3,ഹിസ്റ്ററി - 3

ഇസ്ലാമിക് സ്റ്റഡീസ് - 3, ബയോളജിക്കൽ സയൻസ് - 4, ഫിസിക്കൽ സയൻസ് - 4, മാത്തമാറ്റിക്സ് - 6

ആകെ - 50

*B) അലിഗഢ് ക്യാമ്പസ്*

അറബിക് - 2, ഇംഗ്ലീഷ് - 13, ഹിന്ദി - 9, പേർഷ്യൻ - 2, സംസ്കൃതം - 2, ഉർദു - 11, സിവിക്സ് - 4, കൊമേഴ്സ് - 2, എക്കണോമിക്സ് - 4, ഫൈൻ ആർട്സ് - 2, ജോഗ്രഫി - 4, ഹിസ്റ്ററി - 4, ഇസ്ലാമിക് സ്റ്റഡീസ് - 2, തിയോളജി - 2, ബയോളജിക്കൽ സയൻസ് - 10, ഹോം സയൻസ് - 4, ഫിസിക്കൽ സയൻസ് - 10, മാത്തമാറ്റിക്സ് - 13

ആകെ - 100

*C) മുർഷിദാബാദ് സെന്റർ*

അറബിക് - 3, ബംഗാളി - 4, ഇംഗ്ലീഷ് - 7, ഹിന്ദി - 3, ഉർദു - 3, സിവിക്സ് - 3, കൊമേഴ്സ് - 3, എക്കണോമിക്സ് - 3, ജോഗ്രഫി - 3, ഹിസ്റ്ററി - 3, ബയോളജിക്കൽ സയൻസ്-4, ഫിസിക്കൽ സയൻസ് -4, മാത്തമാറ്റിക്സ് - 7

ആകെ - 50

*എല്ലാ വിഷങ്ങൾക്കും ഒരേ പ്രവേശന പരീക്ഷയാണോ?*

അതെ, എല്ലാവർക്കും പൊതു പ്രവേശന പരീക്ഷയാണ്. നിങ്ങളുടെ വിഷയ സംബന്ധമായ യാതൊരു ചോദ്യവും പ്രവേശന പരീക്ഷയിൽ ഉണ്ടാവുന്നതല്ല.

*എൻട്രൻസ് പരീക്ഷയുടെ സിലബസ് എങ്ങനെയാണ്?*

4 വിഷയങ്ങളിൽ നിന്നായി 100 മാർക്കിനുള്ള 100 ചോദ്യങ്ങളാവും പരീക്ഷക്കുണ്ടാവുക.

 1) Reasoning

 2) General English

 3) Teaching Aptitude

 4) Current educational affairs

*നെഗറ്റീവ് മാർക്ക് ഉണ്ടോ?*

അതെ, ഒരു ഉത്തരം തെറ്റിയാൽ 0.25 മാർക്ക് കുറയും. അതായത് 4 തെറ്റായ ഉത്തരത്തിന് 1 മാർക്ക് കുറയും.

*എവിടെയെല്ലാം പരീക്ഷ സെന്ററുകളുണ്ട്?*

മൂന്നു  സെന്ററുകളിലായാണ് ബി.എഡ് പ്രവേശന പരീക്ഷ നടക്കുന്നത്.

അലിഗഢ് (UP)

കൊൽക്കത്ത (W.B)

കോഴിക്കോട് (KERALA)

*അപേക്ഷ ഫീസ് ? അവസാന തിയ്യതി ?*

550 രൂപയാണ് അപേക്ഷാഫീസ്.

 15-06-2021 മുതൽ അപേക്ഷിക്കാവുന്നതാണ്. അവസാന തിയ്യതി 12-07-2021. കൂടാതെ ഫൈനോട് കൂടെ 850 രൂപ അടച്ച് 19-07-2021വരെയും അപേക്ഷിക്കാവുന്നതാണ്.

*അപേക്ഷിക്കാൻ പ്രത്യേകമായി ഏതെങ്കിലും സർട്ടിഫിക്കറ്റ് ആവിശ്യമാണോ?*

നിങ്ങളൊരു ഒബിസി വിഭാഗക്കാരനാണെങ്കിൽ അത് തെളിയിക്കുന്നതിനാവിശ്യമായ താലൂക്ക് ഓഫീസിൽ നിന്ന് ലഭിക്കുന്ന നോൺ-ക്രീമിലയർ സർട്ടിഫിക്കറ്റ് അപ്ലോഡ് ചെയ്യേണ്ടി വരും.

അത്പോലെ തന്നെ നിങ്ങൾ അലിഗഢിലേക്കോ മുർഷിദാബാദിലേക്കോ അഡ്മിഷൻ ആഗ്രഹിക്കുന്നുവെങ്കിൽ നിങ്ങൾക്ക് Distance State (DS) റിസർവേഷൻ ലഭ്യമാണ്. അത് ലഭിക്കാൻ ആവിശ്യമായ താലൂക്ക് ഓഫീസിൽ നിന്നുള്ള ഡൊമിസൈൽ സർട്ടിഫിക്കറ്റും ഇതോടൊപ്പം അപ് ലോഡ് ചെയ്യേണ്ടതാണ്.

*അപേക്ഷ സബ്മിറ്റ് ചെയ്ത ശേഷം അപേക്ഷയിലെ വിവരങ്ങൾ തിരുത്താമോ?*

തിരുത്താൻ സാധിക്കില്ല. 

*എൻട്രൻസ് പരീക്ഷ എന്നായിരിക്കും ?*

പിന്നീട് അറിയിക്കുന്നതാണ്

*അഡ്മിറ്റ് കാർഡ് എങ്ങനെ ലഭിക്കും?*

പ്രവേശന പരീക്ഷക്ക് ഒന്നോ രണ്ടോ ആഴ്ച്ച മുമ്പ് അഡ്മിഷൻ വെബ്സൈറ്റായ https://www.amucontrollerexams.com/ ൽ ലഭ്യമാവും.

_*പ്രധാന ലിങ്കുകൾ*_

⚪ *അഡ്മിഷൻ ഗൈഡ് ലഭിക്കാൻ*

https://www.amucontrollerexams.com/page/view/guide-to-admission-2021-22-admission-forms-for-various-courses-are-available-now-1623416356

⚪ *എൻട്രൻസ് ടെസ്റ്റിന് അപേക്ഷിക്കാൻ*

www.dt.amucontrollerexams.com/oaps/user

⚪ *മുൻ വർഷങ്ങളിലെ ചോദ്യപ്പേപ്പർ ലഭിക്കാൻ*

http://drive.google.com/folderview?id=0B4DtU9cagVFHNDRXdEFQTnluSkE