Career in English Language
*ഇംഗ്ലീഷ് ഭാഷാ പഠനം: സാധ്യതകൾ
🔲സംസ്കാരത്തിന്റെ ദിശാ സൂചിയാണ് ഭാഷ എന്നു പറയാറുണ്ട്. മനുഷ്യരെ ഒരുമിപ്പിക്കുന്നതും വേർതിരിക്കുന്നതും ഭാഷ തന്നെ. മനുഷ്യന്റെ ആശയാവിഷ്കാര ങ്ങൾ അർത്ഥപൂർണമാകുന്നതും ഭാഷകളിലൂടെ തന്നെ.
🔲 ലോകത്ത് 84 കോടി പേർ പ്രാഥമിക ഭാഷയായും 50 കോടി പേർ രണ്ടാം ഭാഷയായും സംസാരിക്കുന്ന ഇംഗ്ലീഷിന് സ്വാഭാവികമായും വിശ്വ ഭാഷ എന്ന പദവിയ്ക്ക് അർഹതയുണ്ട്.
🔲 67 രാജ്യങ്ങളിൽ പ്രാഥമിക ഭാഷയായും 27 രാജ്യങ്ങളിൽ ഔദ്യോഗിക ദ്വിതീയ ഭാഷയായും ഇംഗ്ലീഷ് ഉപയോഗിക്കപ്പെടുന്നു.
*🔲 വിവര സാങ്കേതിക വിദ്യയുടെ വരവോടെ ഇംഗ്ലീഷിന്റെ പ്രാധാന്യം വർധിച്ചിരിക്കുന്നു. ശാസ്ത്ര സാങ്കേതിക വിദ്യകൾ ലോകത്തെ ഒരു ആഗോള ഗ്രാമമാക്കി പരിവർത്തനം ചെയ്തു കഴിഞ്ഞിരിക്കുന്നു. സ്വാഭാവികമായും ഉൽപ്പാദനം, വാണിജ്യം തുടങ്ങിയ മേഖലകളിലും ആശയ വിനിമയോപാധി എന്ന നിലയിൽ ഇംഗ്ലീഷിന് പ്രാധാന്യമേറിയിരിക്കുന്നു.*
🔲 വിവിധ സംസ്കാരങ്ങളെയും ദേശങ്ങളെയും കൂട്ടിച്ചേർക്കുന്ന ഇണക്കു കണ്ണിയായും ഇംഗ്ലീഷ് പ്രവർത്തിക്കുന്നു.
*🔲 നയതന്ത്രം, ടൂറിസം, വിദ്യാഭ്യാസം, ശാസ്ത്ര-സാങ്കേതിക വിദ്യകളുടെ വിനിമയം, വിനോദം എന്നിങ്ങനെ ജീവിതത്തിന്റെ എല്ലാ മേഖലകളിലും ഇംഗ്ലീഷിന് വലിയ പ്രാധാന്യമുണ്ട്.*
🔲 ഇന്ത്യയിൽ രണ്ടര ലക്ഷം പേർക്ക് ഇംഗ്ലീഷ് മാതൃഭാഷയാണ്. 2011 ലെ സെൻസസ് പ്രകാരം 8. 3 കോടി പേർ ദ്വിതീയ ഭാഷയായും 4.6 കോടിയാളുകൾ മൂന്നാം ഭാഷയായും ഇംഗ്ലീഷ് ഉപയോഗിക്കുന്നു.
🔲 ഇംഗ്ലീഷ് ഭാഷാ ബിരുദം ഇന്ന് സ്കൂളുകളിൽ അധ്യാപക നിയമനത്തിനുള്ള യോഗ്യത മാത്രമല്ല; ആഗോള വിപണിയിലേയ്ക്കുള്ള പാസ്പോർട്ട് കൂടെയാണ്.
🔲 അവസരങ്ങളുടെ വിപുലമായ ഈ ലോകത്തേക്ക് കടക്കാനാഗ്രഹിക്കുന്നവർക്ക് ഇന്ത്യയിൽ ഏറെ വഴികളുണ്ട്.
🔲 10+2 പoനത്തിനു ശേഷം ഇംഗ്ലീഷ് ബിരുദ പഠനത്തിന് ഇന്ത്യയിലെ മിക്കവാറും ആർട്സ് & സയൻസ് കോളേജുകളിലും സർവകലാശാലകളിലും അവസരമുണ്ട്.
*🔲 ഹൈദരാബാദിലെ English &Foreign Languages University നടത്തുന്ന ബിരുദ, ബിരുദാനന്തര കോഴ്സുകൾ ശ്രദ്ധേയം.*
*🔲 പന്ത്രണ്ടാം ക്ലാസ് കഴിഞ്ഞവർക്ക് IIT മദ്രാസ് നടത്തുന്ന 5 year സംയോജിത MA English കോഴ്സിന് ചേരാം.*
*🔲 യൂണിവേഴ്സിറ്റി ഓഫ് ഹൈദരാബാദിൽ 10+2 കഴിഞ്ഞവർക്കായി 5 വർഷം ദൈർഘ്യമുള്ള ഇൻ്റഗ്രേറ്റഡ് MA Language Studies എന്ന കോഴ്സും നടത്തി വരുന്നു.*
◾Azim Premji University
◾Christ University
◾ Ashoka University
ഡൽഹി സർവകലാശാലയുടെ കീഴിലുള്ള
◾Miranda House
◾St. Stephen's College
◾ ലേഡിശ്രീരാം കോളേജ്
◾ മുംബൈയിലെ St. Xaviers College
◾ പൂനെയിലെ Fergusson's College
◾ മദ്രാസിലെ ലയോള
◾ Madras Christian College
◾സ്റ്റെല്ല മേരീസ്
എന്നിവിടങ്ങളിലും മികച്ച ബിരുദ പ്രോഗ്രാമുകളുണ്ട്.
🔲 ബിരുദാനന്തര തലത്തിൽ JNU, Delhi സർവകലാശാല, യൂണിവേഴ്സിറ്റി ഓഫ് ഹൈദരാബാദ്, പോണ്ടിച്ചേരി സർവകലാശാല, വിശ്വഭാരതി, കൊൽക്കത്ത സർവകലാശാല എന്നിവിടങ്ങളിൽ വിവിധ കോഴ്സുകൾ ലഭ്യമാണ്.
*🔲 EFLU വിൽ English, Computational Linguistics, Creative writing, Comparative Literature, Journalism, Translation Studies എന്നിങ്ങനെ വിവിധ വിഷയങ്ങളിൽ ബിരുദാനന്തര കോഴ്സുകൾ നടത്തുന്നുണ്ട്.*
_🔲 ഭൂരിഭാഗം സർവകലാശാലകളിലും PG പ്രോഗ്രാമുകൾക്ക് ഏതെങ്കിലും വിഷയങ്ങളിലുള്ള ബിരുദം മതിയാവും._
🔲 മുമ്പു പറഞ്ഞ കേന്ദ്ര സർവകലാശാലകളിലും മറ്റ് സ്റ്റേറ്റ്, സ്വകാര്യ സർവകലാശാലകളിലും വിവിധ IITകളിലും ഗവേഷണ പoനത്തിന് സൗകര്യമുണ്ട്.
🔲 കേരളത്തിലെ സർവകലാശാലകളിലും കോളേജുകളിലും ഇംഗ്ലീഷിലും അനുബന്ധ വിഷയങ്ങളിലും പoന സൗകര്യങ്ങളുണ്ട്.
🔲 EFLU, IGNOU എന്നീ സർവകലാശാലകൾ വിദൂര വിദ്യാഭ്യാസ രീതിയിലും കോഴ്സുകൾ നടത്തുന്നു.
🔲 വിദേശ രാജ്യങ്ങളിൽ ഉപരി പഠനത്തിനൊരുങ്ങുന്നവർക്കും തൊഴിൽ തേടുന്നവർക്കും IELTS, TOEFL, PTE തുടങ്ങിയ ഇംഗ്ലീഷ് ഭാഷാനൈപുണ്യ പരീക്ഷകൾ പാസാവേണ്ടി വരും.
🔲 ഇംഗ്ലീഷ് എഴുതാനും വായിക്കാനും സംസാരിക്കാനും മനസ്സിലാക്കാനുമുള്ള കഴിവാണ് ഈ ടെസ്റ്റുകളിലൂടെ അളക്കപ്പെടുന്നത്. വിദേശ തൊഴിലിനും പഠനത്തിനും ഒരുങ്ങുന്നവർ ഇംഗ്ലീഷിൽ നൈപുണ്യം നേടേണ്ടതിന്റെ പ്രാധാന്യം വ്യക്തമാണല്ലോ.
🔲 ഇംഗ്ലീഷിൽ യൂണിവേഴ്സിറ്റി വിദ്യാഭ്യാസം നേടിയവർക്ക് സ്കൂളുകളിലും കോളേജുകളിലും അധ്യാപകരാവാമെന്നതിനു പുറമേ ഭാഷാ പരിശീലന രംഗത്തുള്ള ആയിരക്കണക്കിന് തൊഴിലവസരങ്ങൾക്ക് ശ്രമിക്കുകയും ചെയ്യാം.
*🔲 സ്കൂളുകളിൽ അധ്യാപകരാവാൻ ബിരുദവും B. Ed ഉം വേണം. കോളേജുകളിൽ PG യും Ph.D യും വേണ്ടിവരും.*
🔲 ഇംഗ്ലീഷ് അധ്യാപകർക്ക് വിദേശ രാജ്യങ്ങളിലും തൊഴിലവസരങ്ങളുണ്ട്.
*🔲 മാധ്യമ മേഖല, പരസ്യമേഖല, വിവർത്തനം, സർക്കാർ ഡിപ്പാർട്ട്മെന്റുകൾ, എംബസികൾ എന്നിവിടങ്ങളിലും ഇംഗ്ലീഷ് ബിരുദ, ബിരുദാനന്തര ബിരുദധാരികൾക്ക് അവസരങ്ങളേറെയുണ്ട്. ഇന്ത്യയ്ക്കകത്തും പുറത്തും ഒരു മികച്ച തൊഴിൽ നേടാനാഗ്രഹിക്കുന്നവർക്ക് ഇംഗ്ലീഷ് ഭാഷാ പഠനം തീർച്ചയായും സഹായകരമാവും.
Comments
Post a Comment