നോർത്തേൺ കോൾഫീൽഡ്‌സ് ലിമിറ്റഡിലെ ഒഴിവുകളിലേക്ക് അപേക്ഷിക്കാം

 മധ്യപ്രദേശിലെ നോർത്തേൺ കോൾഫീൽഡ്‌സ് ലിമിറ്റഡിലെ ഒഴിവുകളിലേക്ക് അപേക്ഷിക്കാം. 

കോൾ ഇന്ത്യ ലിമിറ്റഡിന് കീഴിൽ പ്രവർത്തിക്കുന്ന സ്ഥാപനമാണ് നോർത്തേൺ കോൾഫീൽഡ് ലിമിറ്റഡ് (എൻ.സി.എൽ). 

49 മെഡിക്കൽ എക്‌സിക്യൂട്ടീവ് തസ്തികകളിലേക്കാണ് അപേക്ഷ സ്വീകരിച്ചിരിക്കുന്നത്. 

ജനറൽ സർജറി, ജനറൽ മെഡിസിൻ, പൾമനറി മെഡിസിൻ, ജി.ഡി.എം.ഒ, ഡന്റിസ്റ്റ് എന്നീ തസ്തികകളിലാണ് ഒഴിവുള്ളത്. 

അപേക്ഷ സമർപ്പിക്കാനുള്ള അവസാന തീയതി ഏപ്രിൽ 30 ആണ്.

 വിശദമായ വിവരങ്ങൾക്ക് കോൾ ഇന്ത്യയുടെ ഔദ്യോഗിക വെബ്‌സൈറ്റായ https://www.coalindia.in സന്ദർശിക്കുക.

എം.ബി.ബിഎസ്, ബി.ഡി.എസ്, പി.ജി/ ഡി.എൻ.ബി എന്നിവ നിശ്ചിത സ്‌പെഷ്യലൈസേനിലുള്ളവർക്ക് അപേക്ഷിക്കാവുന്നതാണ്. 

മെഡിക്കൽ ഓഫീസർ തസ്തികയിലേക്ക് അപേക്ഷിക്കുന്നവർ 35 വയസിന് മുകളിൽ പ്രായമുള്ളവരാകരുത്. 

മെഡിക്കൽ സ്‌പെഷ്യലിസ്റ്റ് തസ്തികയിലേക്ക് അപേക്ഷിക്കാനുള്ള ഉയർന്ന പ്രായപരിധി 42 വയസാണ്.

പ്രവൃത്തിപരിചയമുള്ളവർക്കാണ് അപേക്ഷിക്കാൻ യോഗ്യതയുള്ളത്. 60,000 രൂപ മുതൽ 2 ലക്ഷം രൂപ വരെയാണ് ശമ്പളം.

 അഭിമുഖത്തിന്റെ അടിസ്ഥാനത്തിലാണ് അന്തിമമായുള്ള തെരഞ്ഞെടുപ്പ്.

 ഓഫ്‌ലൈൻ വഴിയാണ് അപേക്ഷിക്കേണ്ടത്.

 അപേക്ഷകൾ

 The Office of the General Manager (Personnel / Recruitment), Manpower – Recruitment Department, NCL, HQ, Singarali, Madhya Pradesh – 486889 എന്ന വിലാസത്തിൽ ലഭിക്കണം.